Чэрнік – пасля выхаду на ЧЕ-2026: «Эмоцый няма. Таму што ўсе выплюхнулі там – на паркеце, у распранальні, у аўтобусе»
Галоўны трэнер зборнай Беларусі па міні-футболе Аляксандр Чэрнік падзяліўся меркаваннем пра выхад каманды на чэмпіянат Еўропы.
– Быццам бы ўсе павінны цяпер радавацца, крычаць. А эмоцый няма. Таму што ўсе выплюхнулі там – на паркеце, у распранальні, у аўтобусе.
У матчы з Італіяй разумелі, што трэба цярпець, чакаць свайго моманту. І хлопцы малайцы – трывалі, чакалі. Мы не фарсіравалі падзеі.
Вельмі добрае, што забілі першымі. Гэты гол быў для нас глытком паветра. Ён дапамог у далейшым больш упэўнена абараняцца. Так, італьянцы да перапынку адыграліся, але ж першы тайм у цэлым атрымаўся роўным.
У распранальні пагаварылі. Вырашылі, што трэба чакаць да апошняга, не ляцець на злом галавы. Бо бачылі: італьянцы індывідуальна мацнейшыя. У выніку дачакаліся – уцяклі і забілі, – сказаў Чэрнік.
