Кіраўнік футбола Літвы Станкявічус пра футзальнае Еўра: «Вядуцца перамовы па законе аб забароне ўезду спартсменаў з Беларусі ў Літву»

Прэзідэнт Літоўскай футбольнай федэрацыі Эдгарас Станкявічус выказаўся на тэму сітуацыі з выхадам зборнай Беларусі на Еўра-2026 па футзале.

Нагадаем, футбольная федэрацыя Літвы рэкамендуе сваім спартсменам не ўдзельнічаць у адных спаборніцтвах з атлетамі з Беларусі і Расіі пры адсутнасці ў іх нейтральнага статуса, а таксама не прымаць іх на турнірах унутры краіны. У Латвіі падобныя рэкамендацыі маюць статут забарон на заканадаўчым узроўні.

«Літоўская футбольная федэрацыя разам з футбольнымі федэрацыямі Латвіі і Украіны актыўна працуе над вырашэннем сітуацыі, звязанай з удзелам беларускіх спартсменаў у чэмпіянаце Еўропы па футзале.

З боку Літвы вядуцца перамовы з дзяржаўнымі інстытутамі, паколькі для гэтага патрабуецца падтрымка дзяржавы датычна закону, які забараняе ўезд спартсменаў з гэтай краіны на тэрыторыю Літвы.

Таксама працягваюцца перамовы з УЕФА. Як толькі будуць атрыманы неабходныя адказы, федэрацыі Літвы, Латвіі і Украіны абвесцяць сваё рашэнне, якое будзе вельмі жорсткім», – сказаў Станкявічус.

Чэмпіянат Еўропы будзе праходзіць у Латвіі і Літве з 18 студзеня па 8 лютага 2026 года.