Гулец зборнай Беларусі па міні-футболе Арцём Якубаў падзяліўся меркаваннем аб сваім стаўленні да магчымага байкоту чэмпіянату Еўропы-2026 з боку Латвіі і Літвы.

Нагадаем, футбольная федэрацыя Літвы рэкамендуе сваім спартсменам не ўдзельнічаць у адных спаборніцтвах з атлетамі з Беларусі і Расіі пры адсутнасці ў іх нейтральнага статуса, а таксама не прымаць іх на турнірах унутры краіны. У Латвіі падобныя рэкамендацыі маюць статут забарон на заканадаўчым узроўні.

– Ва УЕФА працуюць кампетэнтныя людзі. Выхад на чэмпіянат Еўропы мы заслужылі сумленнай працай.

Думаю, усё будзе добра. Калі нашу каманду дапусцілі да адборачнага турніру, то не думаю, што рыторыка УЕФА ў адносінах да нас зменіцца.

– Ці ёсць перажыванні па пытанні допуску каманды на турнір?

– У гэтым пытанні ў мяне больш стрыманасці, чым перажыванняў. Я кіруюся логікай. Як ужо сказаў, калі нас дапусцілі да адбору, то наўрад ці нешта зменіцца, – сказаў Якубаў.

Аўтар: Iгнат Калiнiн

Крыніца: betnews.by

міні-футбол

Зборная Беларусі па міні-футболе

Футзал