Генеральны сакратар БТФ Лісіца пра санкцыі: «Паколькі наша членства ў ІTF прыпынена, мы нават пад нейтральным сцягам не можам выступаць»

Генеральны сакратар Беларускай тэніснай федэрацыі Кацярына Лісіца выказалася пра адхіленне беларускіх тэнесістаў ад удзелу ў камандных турнірах кубка Дэвіса і кубка Білі Джын Кінг.

– Гэты момант прапісаны ў Статуце Міжнароднай тэніснай федэрацыі. Там сказана, што прымаць удзел у Кубку Дэвіса і Кубку Білі Джын Кінг могуць толькі краіны – члены гэтых арганізацый. Паколькі наша членства ў ІTF прыпынена, мы нават пад нейтральным сцягам не можам выступаць. У мінулым годзе расійская каманда, якая выступала пад нейтральным сцягам з-за допінгавых праблем, перамагла ў Кубку Дэвіса. Шанцы на вяртанне нашых тэнісістаў ёсць. Мы чакаем рашэння Міжнароднага арбітражнага суда па нашай справе супраць Міжнароднай тэніснай федэрацыі наконт аднаўлення нашых правоў і сімволікі. І яшчэ адзін варыянт – падчас фіналу Кубка Дэвіса будзе праходзіць штогадовая генеральная канферэнцыя ІTF – мы спадзяёмся, што адным з пытанняў стане вяртанне нашай краіны як мінімум у членства міжнароднай федэрацыі, – сказала Лісіца.

Нагадаем, што шматлікія беларускія каманды і спартсмены былі адхілены ад міжнародных спаборніцтваў у адказ на вайну, якая працягваецца з 24 лютага Расіяй ва Украіне з выкарыстаннем тэрыторыі Беларусі.

⚽️ Чэмпіянат свету-2022 па-беларуску і без VPN! Пампуй дадатак Tribuna.com