Барыс Бекер: «Надаль за крок ад завяршэння кар'еры»
Былая першая ракетка свету Барыс Бекер падзяліўся думкамі пра змену пакаленняў у мужчынскім тэнісе.
«Цяпер мы назіраем змену пакаленняў. Роджэр Федэрэр ужо сышоў, Рафаэль Надаль, на мой погляд, за крок ад гэтага. Ён згуляе ў Парыжы, а будучыня выклікае пытанні.
Новак Джокавіч дакладна правядзе гэты сезон, але калі ён возьме 23-і («Вялікі шлем» – заўв.), а ў наступным годзе яму споўніцца 36, то гэта пытанне часу. Змена пакаленняў ужо працягваецца.
Гэта вельмі складанае выпрабаванне. Першае – выйграць «Вялікі шлем», другое – прадстаўляць спорт.
Дзякуючы Федэрэру, Надалю і Джокавічу ў нас з'явіліся тры куміры, якія прыцягваюць не толькі прыхільнікаў тэніса, але і спартыўных заўзятараў у цэлым.
Гэта зрабіла наш спорт больш глабальным і багатым. Вось чаму ў нас такія прызавыя і рэкламныя інвестыцыі.
Для хлопцаў гэта становіцца сур'ёзным выклікам: не толькі перамагаць, але і прадстаўляць – гэта ўжо зусім іншы ўзровень», – сказаў Бекер.
Надаль з траўмай прайграў у другім крузе Australian Open.
