«Мы працягваем рабіць для ўкраінскіх гульцоў столькі, колькі нам па сілах. Мы шмат зрабілі для нашых спартсменаў, хоць я ведаю, што ёсць розныя меркаванні наконт гэтага.

Тое, што адбываецца ва Украіне заслугоўвае асуджэння. Вы не можаце падтрымліваць ні тое, што адбываецца, ні тое, што робіць расійскі ўрад.

Мы пагаварылі з Анастасіяй Патапавай напрамую, а таксама зрабілі ёй папярэджанне, каб яна ведала, што гэта было неналежна (выхад на матч у футболцы «Спартака» – заўв. Tribuna.com), і я не думаю, што мы ўбачым яшчэ якія-небудзь падобныя выпадкі ў будучыні.

Мы вельмі спачуваем усім ва Украіне, і я не думаю, што нехта з нас можа належным чынам зразумець, праз што праходзяць украінцы. Мы працягваем размаўляць з расійскімі і беларускімі гульцамі і пераконваемся, што яны разумеюць далікатнасць сітуацыі, у якой яны выступаюць як нейтральныя спартсмены. Я думаю, што ў гэтым пытанні ў нас з імі ёсць цвёрдае разуменне.

Мы заўсёды прытрымліваліся пазіцыі – і гэта фундаментальны прынцып тура – што кожны гулец, які мае права гуляць, павінен быць дапушчаны да спаборніцтваў. І гэта не павінна залежаць ад рашэнняў, якія могуць быць прынятыя нацыянальнымі ўрадамі.

Мы былі паслядоўныя ў гэтым і збіраемся заставацца такімі ж у гэтым пытанні. Мы лічым, што нейтральны падыход дарэчны», – сказаў Сайман.

Нагадаем, што ўкраінка Леся Цурэнка знялася з матча супраць беларускі Арыны Сабаленка на турніры WTA 1000 у Індыян-Уэлс з-за панічнай атакі.

Аўтар: cымон pушынскі

Крыніца: BBC