Новак Джокавіч – наконт надпісу пра Косава: «Адчуваю абавязак дэманстраваць падтрымку нашым людзям і ўсёй Сербіі»

Трэцяя ракетка свету Новак Джокавіч з Сербіі пракаментаваў тое, што напісаў «Косава – сэрца Сербіі» на відэакамеры пасля перамогі над Аляксандрам Кавачавічам (ATP №114) на старце «Ралан Гарос».

«Як сербу мне баліць тое, што адбываецца ў Косава. Нашых людзей выгналі з органаў мясцовай улады. Як публічная асоба я адчуваю адказнасць выказаць падтрымку, і я асабліва адчуваю гэта як сын мужчыны, народжанага ў Косава. Гэта меншае, што я магу зрабіць.

Я адчуваю абавязак дэманстраваць падтрымку нашым людзям і ўсёй Сербіі. Думаю, шмат хто не ведае, што чакае Косава ў будучыні. Але важна дэманстраваць гармонію ў падобных сітуацыях.

Чуў, што ў сацыяльных сетках было шмат крытыкі. Я не ведаю, ці пакарае мяне хто-небудзь ці нешта яшчэ.

Косава – наша сэрца, наша крэпасць, цэнтр найважнейшых падзей. Самая вялікая бітва адбылася там, больш за ўсё манастыроў там. Ёсць шмат прычын, чаму я гэта напісаў», – заявіў Джокавіч.