Сяргей Рутэнка: «У Касцюк негатыўныя заявы з патрабаваннямі да белспартсменаў, якія не маюць дачынення да таго, што адбываецца ва Украіне»

Кіраўнік федэрацыі тэніса Беларусі Сяргей Рутэнка адрэагаваў на стаўленне ўкраінскай тэнісісткі Марты Касцюк да беларускіх спартоўцаў.

Нагадаем, што Марта не паціскае рукі сваім саперніцам з Расіі і Беларусі ў сувязі з вайной ва Украіне, якую гэтыя дзяржавы падтрымліваюць.

– Складана сказаць, што яна [Сабаленка] адчувае. Упэўнены ў адным: ёй патрэбна падтрымка балельшчыкаў. Яна сапраўды яе адчуе і пачуе.

Увесь гэты час Касцюк [робіць] максімальна агрэсіўныя, негатыўныя заявы з нейкімі патрабаваннямі да нашых спартсменаў, якія не маюць ніякага дачынення да таго, што адбываецца ва Украіне.

На мой погляд, не варта зважаць. Ёсць шмат асабовых прыкладаў. У нас ёсць пара (беларус Іван Лютарэвіч і ўкраінец Уладзіслаў Манафаў – Tribuna.com), якая годна выступае.

Незразумелы іншы момант. Наколькі мне вядома, Украіна забараніла выступаць сваім спартоўцам на турнірах, дзе ёсць беларусы і расiяне. Мне цікава, чаму яна [Касцюк] наогул гуляла.

Трэба ісці сваёй дарогай. Даказваць сваю перавагу і паказваць вынік на спартыўным корце, а не ў інтэрв'ю і прэс-канферэнцыях. Мне гэта нагадвае адзінаборства, дзе спартоўцы перад баям паліваюць адзін аднаго брудам. Мне гэта ніколі не падабалася.

На жаль, паводзіны Касцюк нагадваюць менавіта такі момант. У гульнях з беларускамі і расiянкамі ў яе шмат бруду, агрэсіі, якой не павінна быць у спорце, – сказаў Рутэнка ў эфіры праграмы «Спорт-кадр».