Азаранка пасля паразы ад украінкі Ястрэмскай не адказала на пытанне, ці адчувала ціск з-за грамадзянства суперніцы

Беларуская тэнісістка Вікторыя Азаранка пракаментавала паражэнне (6:7, 4:6) ад украінкі Даяны Ястрэмскай у 1/8 фіналу Australian Open.

– Не найлепшы мой дзень, не змагла цалкам увайсці ў гульню. Усё роўна было шмат магчымасцяў, але я іх не выкарыстоўвала. Няўдалы дзень, але так бывае. Крыўдна, што гэта здарылася ў чацвёртым раўндзе «Вялікага шлема». Трэба разабраць матч і рухацца далей.

Атмасфера была добрай, мне заўсёды падабаецца гуляць у Аўстраліі. Усё было выдатна, тут я заўсёды бачу моцную падтрымку. Хацелася б гуляць тут даўжэй, але не склалася.

– Ці адчувалі вы дадатковы ціск з-за таго, што суперніцай была ўкраінка?

– Наступнае [пытанне], – сказала Азаранка.