CAS не разгледзіць допінг-справу Сінэра да Australian Open, Янік зможа выступіць на турніры
Першая ракетка свету Янік Сінэр зможа абараніць свой тытул на Australian Open, паколькі апеляцыя на яго допінг-справу не будзе разгледжана Спартыўным арбітражным судом (CAS) да пачатку турніру ў студзені 2025 года.
У сакавіку 2024 года Сінэр падчас турніру ATP 1000 у Індыян-Уэлсе двойчы здаў станоўчы тэст на допінг. У яго выявілі нізкі ўзровень метабаліту кластэбола – стэройда, які можна выкарыстоўваць для нарошчвання мышачнай масы.
Міжнароднае агенцтва па забеспячэнні сумленнасці ў тэнісе (ITIA) правяло расследаванне, падчас якога было ўстаноўлена, што Сінэр ненаўмысным шляхам атрымаў гэтае рэчыва ў арганізм – гэта былі наступствы дзеянняў яго фізіятэрапеўта. ITIA ўлічыла гэта і кваліфікавала парушэнне як ненаўмыснае.
Сусветнае антыдопінгавае агенцтва (WADA) падало апеляцыю ў Спартыўны арбітражны суд (CAS) на рашэнне апраўдаць італьянца. WADA патрабуе адхілення тэнісіста на перыяд ад аднаго да двух гадоў.
