Сабаленка заняла першае месца па суме прызавых сярод спартсменак у 2024 годзе
Спартыўнае выданне Sportico апублікавала рэйтынг самых аплатных спартсменак 2024 года.
Калі ўлічваць прызавыя грошы, то Арына Сабаленка займае першае месца з сумай 9,7 мільёна долараў, але ў агульным спісе з улікам прызавых і спонсарскіх выплат беларуска знаходзіцца на пятым месцы. Тэнісістка зарабіла за 2024 год 17,7 млн (9,7 млн + 8 млн).
Першае месца ў агульным спісе заняла трэцяя ракетка свету амерыканка Коры Гаўф, якая зарабіла за гэты год 9,4 мільёна долараў прызавымі і 21 мільён спонсарскімі. Летась 20-гадовая Коры ўзначаліла спіс.
Рэйтынг самых аплатных спартсменак 2024-га
1. Коры Гаўф (тэніс, ЗША) – 30,4 мільёна даляраў (9,4 млн – прызавыя + 21 млн – спонсарскія)
2. Гу Айлін (фрыстайл, Кітай) – 22,06 млн (0,06 млн + 22 млн)
3. Іга Свёнтэк (тэніс, Польшча) – 21,4 млн (8,4 млн + 13 млн)
4. Чжэн Цыньвэнь (тэніс, Кітай) – 20,6 млн (5,6 млн + 15 млн)
5. Арына Сабаленка (тэніс) – 17,7 млн (9,7 млн + 8 млн)
6. Наомі Осака (тэніс, Японія) – 15,87 млн (0,87 млн + 15 млн)
7. Эма Радукану (тэніс, Вялікабрытанія) – 14,67 млн (0,67 млн + 14 млн)
8. Нэлі Корда (гольф, ЗША) – 14,4 млн (4,4 млн + 10 млн)
9. Сымона Байлс (спартыўная гімнастыка, ЗША) – 11,14 млн (0,14 млн + 11 млн)
10. Кейтлін Кларк (баскетбол, ЗША) – 11,1 млн (0,1 млн + 11 млн)
