Сабаленка пра паразу ў фінале Штутгарта: «Мне часам трэба даць такую аплявуху, каб я крышку страсянулася і больш самавіта гуляла»
Беларуская тэнісістка першая ракетка свету Арына Сабаленка пракаментавала сустрэчу з расіянкай Ганнай Блінковай (6:3, 6:4) у другім крузе турніру ў Мадрыдзе.
Нагадаем, што раней тэнісістка ў фінале турніру WTA-500 у нямецкім Штутгарце саступіла прадстаўніцы Латвіі Алене Астапенка (4:6, 1:6).
Соболенко опять уезжает из Штутгарта без желанного Porsche – соперница сказала о ненависти беларуски
– Матч быў трошкі дзіўнаваты. Я добра пачала, потым трошачкі пакутавала ад ракеткі, ад рытма, ад мяча – мне здаецца, крышку тэмпература паднялася, і ён пачаў вылятаць, а я позна гэта зразумела. Закрыла сэт і потым узяла крыху больш жорстка нацяжку, і ў мяне значна лепш рытм стаў. Пасля Штутгарта, пасля залы на вышыню, на спякоту такое сабе было трошкі.
– Пасля паразы ў Штутгарце ў цябе вельмі вялікая матывацыя для цябе, мне так здаецца.
– Магчыма, так, магчыма. Мне часам трэба такую аплявуху, каб я крышку страсянулася і самавіта гуляла.
– На стадыёне бачылі вельмі прыгожых жанчын якія, цябе падтрымліваюць. Наколькі важна? Ты адчуваеш, што ты з'яўляешся стымулам і матывацыяй для іншых цудоўных дзяўчат быць лепш?
– Я лічу што гэта самы вялікі камплімент калі дзяўчыны падтрымліваюць дзяўчыну. Гэта проста такі вялікі камплімент. І калі я яшчэ нейкім чынам іх натхняю, гэта ўвогуле выдатна. Мне падабаецца бачыць такую прыгожую падтрымку, калі ў такіх прыгожых майках і так гучна. І гэта на самой справе прама натхняе мяне таксама.
– А ты з імі была знаёмая? Ты ўвогуле ведаеш хто гэта?
– Як высветлілася, гэтую кампанію прывяла знаёмая майго бойфрэнда, таму ён іх ведае. Цікава, дарэчы, так? Трэба будзе [з ім] пагаварыць. Гэтулькі прыгожых дзяўчын там, так? Зразумела. Але на самой справе вельмі клёва адчуваць такую падтрымку, а бакі дзяўчат гэта проста двайна прыемна, – сказала Сабаленка.
