Украінская тэнісістка Марта Касцюк (№27 WTA) зрабіла заяву перад матчам з экс-расіянкай Дар'яй Касаткінай (№15 WTA), якая цяпер выступае за Аўстралію.

«Часам маўчанне азначае рабіць выгляд, што нічога не адбываецца. Вайна супраць Украіны не проста працягваецца-яна балючая, несправядлівая і глыбока рэальная. Яна ўплывае на жыццё, будучыню і штодзённы выбар такімі шляхамі, якія многія нават не могуць сабе ўявіць.

Хтосьці скажа, што спорт павінен быць па-за палітыкай. Але гэта не пра палітыку - гэта пра чалавечнасць. А калі на тваю краіну нападае агрэсар, маўчанне выглядае як саўдзел.

Як спартсменка, я веру ў сумленную гульню і павагу, але гэтыя прынцыпы мала што значаць, калі не распаўсюджваюцца за межы корта.

З пачатку вайны я вырашыла не паціскаць руку расійскім ці беларускім тэнісісткам - як асабістая пазіцыя супраць агрэсіі Расіі.

Але калі хтосьці не толькі кажа праўду, называючы Расію агрэсарам, але і прымае меры з гэтай нагоды, гэта заслугоўвае павагі.

Дар'я Касаткіна выразна выказалася супраць вайны і прыняла рашэнне адмовіцца ад расійскага спартыўнага Грамадзянства. Для гэтага патрэбна смеласць, і я гэта прызнаю. Я спадзяюся, што гэта не апошні крок, а частка больш глыбокага абавязацельствы.

Я стаю побач з Украінай. Я стаю за праўду, за годнасць і за тых, хто выбірае гаварыць і дзейнічаць, калі маўчаць лягчэй», - напісала Касцюк.

Матч Касцюк і Касаткінай у другім крузе турніру WTA 1000 у Рыме адбудзецца 9 мая, пачатак - не раней за 16.30.

28-гадовая Дар'я неаднаразова выказвалася супраць агрэсіўнай вайны Расіі супраць Украіны, згаджалася з неабходнасцю бана расейскіх каманд, а таксама казала, што для яе небяспечна вяртацца дадому, улічваючы існы рэжым.

У сакавіку Касаткіна паведаміла, што будзе прадстаўляць Аўстралію.

Аўтар: Юрый Дыбоўскі

Крыніца: Інстаграм Марты Касцюк