Маштабнае абнаўленне мабільных дадаткаў «Трыбуны»: з'явіліся пошук, магчымасць дзяліцца кантэнтам і вельмі зручныя табліцы
Стане яшчэ цікавей!
Мы працягваем рабіць галоўны спартовы дадатак Беларусі яшчэ больш зручным і карысным. На iOS і Android з'явіліся функцыі, якія значна паляпшаюць карыстанне, таму не забудзьцеся абнавіцца або спампаваць наш дадатак.
Спасылка на App Store, а тут нас можна загрузіць у PlayMarket.
Шукайце інфармацыю па тэгах
Амаль месяц таму мы вярнулі пошук на дэсктопную версію сайта, а цяпер настаў час дадаткаў. Пошук размешчаны на галоўнай старонцы ў меню знізу. Калі вы пачнеце ўводзіць першыя літары, то аплікацыя прапануе вам самыя папулярныя запыты. Шукаць можна па персонах, камандам і турнірах.
Дзяліцеся з сябрамі навінамі і пастамі з дадатку
Гэтая функцыя ўжо некалькі тыдняў працуе на Android, а цяпер з'явілася і на iOS. Каб падзяліцца кантэнтам, неабходна даскроліць да канца старонку і націснуць на стрэлачку. Даслаць спасылку можна ў іншыя сацсеткі, або проста спасылку скапіраваць.
Глядзіце новыя зручныя табліцы
А гэта ўжо падарунак для аматараў статыстыкі. Цяпер табліцы турніраў можна скроліць у бок, каб убачыць больш дадзеных: выйграныя/прайграныя матчы, нічыі, колькасць забітых/прапушчаных мячоў, розніца галоў. Таксама адлюстроўваюцца пяць апошніх матчаў каманды, на якія можна клікнуць, каб убачыць дэталі паядынку.
Колерамі вылучаныя месцы ЛЧ, ЛЕ, ЛК, а стрэлкі паказваюць апошнія змены ў турнірнай табліцы. Акрамя таго, вы можаце ўбачыць статыстыку мінулых сезонаў.
Убачылі баг або памылку - патрасіце тэлефон
Каб аператыўна атрымліваць фідбэк ад карыстальнікаў, мы дадалі зручную фічу. Калі вы заўважылі нейкі баг, недакладнасць у статыстыцы, памылку друку або факталагічную памылку ў матэрыяле – проста патрасіце тэлефон. На экране з'явіцца акенца, дзе можна пакінуць водгук.
Вы можаце падрабязна апісаць праблему або проста паказаць, дзе заўважылі недакладнасць, а наша каманда ўжо паспрабуе аператыўна адрэагаваць на сігнал. Важна, што ўсе заўвагі ананімныя, гэта значыць, мы не бачым, які менавіта карыстальнік пакінуў водгук.
Калі ласка, пастаўце нашым дадаткам ацэнку ў AppStore і Google Play і пакіньце свой водгук.
Каманда «Трыбуны» рыхтуе новыя топавыя абнаўленні, таму заставайцеся з намі!
