У Германіі – найбольш збалансаваны склад з 2014 года. Флік знайшоў замену Ройсу і Вернеру, 33-гадовы Мюлер – галоўны козыр

Tribuna.com пачынае знаёміць вас з удзельнікамі будучага чэмпіянату свету.

Першая – зборная Германіі.

Заяўка Германіі на ЧС-2022

Нямецкія заўзятары пралілі шмат слёз, гледзячы на ​​спіс футбалістаў, якіх галоўны трэнер Хансі Флік выклікаў на турнір.

По-першае, галоўная страта – Марка Ройс. Капітан дортмундскай «Барусіі» зноў прапусціць буйны турнір з-за траўмы. Марка атрымаў сур'ёзнае пашкоджанне ў матчы з «Шальке» напрыканцы верасня, але ўжо двойчы вяртаўся на поле – і двойчы яго цела, здаецца, не было гатовым. Вялікая страта для Фліка, які хацеў пабудаваць атакуючы футбол вакол 11-га нумара каманды.

Яшчэ адна сур'ёзная праблема – траўмы Ціма Вернера, які зламаўся ў паедынку з «Шахцёрам» у ЛЧ. Усе ведаюць, што атака – найпраблемнейшая частка нямецкай зборнай, таму Вернер не толькі сам застаўся надзвычай расчараваным, але і дадаў галаўнога болю трэнеру зборнай.

Не паспеў аднавіцца пасля траўмы алоўны талент нацыі Флоріян Вірц, які яшчэ ў сакавіку разарваў крыжападобную звязку. Спачатку пра 19-гадовага паўабаронцу «Баера» шмат размаўлялі, але прагрэс Джамала Мусіялі цалкам засланіў тэму будучага ўдзелу Вірца ў ЧС.

«Адным з найвялікшых расчараванняў у кар'еры» назваў свой нявыклік у зборную Матс Хумельс, які перажывае другую маладосць і праводзіць вельмі моцны сезон. Рашэнне Фліка, аднак, дакладна зламала абаронцу – на наступны дзень пасля абвяшчэння спісу Матс правёў свой найгоршы матч у сезоне.

Але і пазітыўных гісторый таксама хапае. Напрыклад, Флік вырашыў закрыць праблемную пазіцыю цэнтрфорварда двума футбалістами, які яшчэ ніколі не гулялі за бундэсцім. Першы – 29-гадовы Ніклас Фюлькруг, які разам з «Вердэрам» яшчэ ўвесну гуляў у другой Бундэслізе, але ў гэтым сезоне ўжо забіў десяць мячоў у чэмпіянаце. Другі – 17-гадовы(!) Юсуфа Мукока, які ператварыўся ў галоўную атакуючую пагрозу «Дортмунда» ў адсутнасць Себасцьена Алера.

Чарговы прыемны сюрпрыз – вяртанне ў нацыянальную каманду Марыё Ґёцэ, які апошні раз выходзіў з поля ў матчы зборнай яшчэ пяць(!) гадоў таму. Два гады ў «ПСВ» дапамаглі рэанімаваць кар'еру «залатога хлопчыка» нямецкага футбола, і нават пасля вяртання ў Бундэслігу Марыё выглядае на добрым узроўні.

Замест Хумельса Хансі запрасіў у зборную 20-гадовага цэнтбека «Саўтгемптана» Армеля Бэла-Катчапа, які ў мінулым сезоне забліскаў у «Бохуме». Адна з прычын – футбаліст можа гуляць на правым флангу абароны, бо ў заяўцы Германіі няма ніводнага намінальнага правага абаронцы. Там, хутчэй за ўсё, будуць гуляць Ніклас Зюле, Маціяс Хінтэр або Ціла Керэр.

Разам з Даніяй найлепш правялі кваліфікацыю сярод еўрапейскіх зборных. Пасля Еўра-2020 прайгралі толькі аднойчы

Пра лёгкі шпацыр зборнай Германіі ў кваліфікацыі да ЧС-2022 падумалі ўсе, калі ўбачылі, што немцы згуляюць з Паўночнай Македоніяй, Румыніяй, Арменіяй, Ісландыяй і Ліхтэнштэйнам. Ніводнай з еўрапейскіх топ-зборных не дасталася настолькі лёгкая група.

Немцы амаль ідэальна справіліся са сваёй задачай, разам са зборнай Даніі найлепш правялі адбор (27 ачкоў у 10 матчах), але аднойчы ўсё ж прымусілі гаварыць пра сябе ўсю Еўропу. І не, гаворка не пра 9:0 у матчы з Ліхтэнштэйнам, а пра сенсацыйную хатнюю паразу ад Паўночнай Македоніі (1:2).

Але матчы адбору скончыліся роўна год таму, а гатоўнасць Германіі да чэмпіянату свету можна ацэньваць, прынамсі, па апошніх матчах у Лізе нацый. Каманда Фліка пачала турнір з трох нічыіх запар з усімі сапернікамі ў квартэце (1:1), далей была яскравая вікторыя над дзеючымі пераможцамі Еўра італьянцамі – 5:2, нечаканая параза ад сенсацыйнай Венгрыі (0:1) і галявая феерыя з англічанамі на «Уэмблі» – 3:3.

Толькі адна перамога – не найлепшы вынік для немцаў, але ці можна ацэньваць гатоўнасць каманды да ЧС па матчах у Лізе нацый? Першыя чатыры сустрэчы прайшлі летам, калі футбалісты павінны былі сысці ў адпачынак пасля насычанага сезона, а цяпер трэнеры больш звяртаюць увагу на форму гульцоў, чым зорнасць. У такім кантэксце Германія, як і будзь-якая іншая зборная, – адкрытая кніга.

Галоўны козыр – Томас Мюлер

У арсенале нямецкай каманды – Мануэль Ноер, маладая абарона, вопытны цэнтр поля, хуткія флангі і загадкавая атака, але калі казаць пра галоўны козыр Хансі Фліка на будучым чэмпіянаце свету, то гэта, вядома, Томас Мюлер.

Ну, а каго вы чакалі ўбачыць, калі гаворка ідзе пра бундэсцім? Томас, – без перабольшвання легенда нацыянальнай зборнай, адыграў ужо 118 матчаў, зрабіў 84 рэзультатыўныя дзеянні (44+40), але выступы на чэмпіянаце свету – гэта асобная старонка ў яго біяграфіі.

Па 5 галоў на турнірах 2010-га і 2014-га робяць Мюлера найлепшым бамбардзірам у гісторыі ЧС сярод футбалістаў, якія яшчэ гуляюць. Бліжэйшыя пераследнікі – Луіс Суарэс і Крыштыяну Раналду, якія забілі па 7 мячоў. Шкада, што Германія правалілася на мінулым турніры ў Расіі, дзе не змагла нават выйсці з даволі пасрэднай групы, а Мюлер – не палепшыў свае паказчыкі. Так што толькі ўявіце, як ён захоча забіць на турніры ў Катары!

Калі да найлепшага бамбардзіра ў гісторыї турніру Міраслава Клозе, які вызначыўся на ЧС 16 разоў, яшчэ дастаткова далёка, то ў Томаса ёсць шанс дагнаць Юргена Клінсмана (11 галоў), Пеле (12 галоў), Жуста Фантэйна (13 галоў) ці нават Герда Мюлера (14 галоў).

Напярэдадні ЧС Мюлеру не гарантуюць месца ў стартавым складзе. Апошні раз Томас гуляў у Бундэслізе яшчэ напрыканцы верасня, але ўсё ж аднавіўся пасля траўмы і едзе ў Катар. Але наўрад ці гэта стане праблемай для 33-гадовага футбаліста і перашкодзіць паказаць усё, на што ён здольны. Асабліва, калі гаворка ідзе пра рэкорды.

Прыблізны склад: цэнтрбек справа ў абароне, спалучэнне маладосці і вопыту, пытанні па Мюлеру

І калі мы ўжо загаварылі пра стартавы склад, то сёлета ў Ганса Фліка ёсць не адна дылема.

Мабыць, адна з нешматлікіх пазіцый у аснове немцаў, пра інтрыгу на якой гавораць найменш, – галкіпер. Мануэль Ноер аднавіўся пасля траўмы і нядрэнна выглядаў у апошніх трох матчах, нягледзячы на ​​тры прапушчаныя мячы. Марк-Андрэ тэр Стэген і Кевін Трап, калі здарыцца нешта экстраардынарнае, заўжды гатовыя падмяніць Мануэля.

А вось ў абароне пытанне ёсць. Флік не ўзяў на ЧС ніводнага намінальнага правага абаронцы, але ў складзе ёсць Ніклас Зюле, Маціяс Гінтэр, Ціла Керэр і Армель Бэла-Котчап – усе яны маюць вопыт гульні на правым крыле абароны. Стартарам усё ж лічыцца Зюле, які вымушана гуляе ў «Дортмундзе» справа, але прыносіць вялікую карысць як у абароне, так і ў атацы. На супрацьлеглым флангу Давід Раум выглядае амаль безальтэрнатыўным футбалістам. Крысціян Гюнтэр з Фрайбурга – ягоная замена.

У цэнтры абароны Флік часта выкарыстоўваў Антоніа Р'юдыгера і Ніко Шлотэрбека ў апошніх матчах, таму, верагодна, яны і складуць пару асноўных цэнтрбекаў каманды.

Паўабарона немцаў пасля змены пакаленняў застаецца хісткім звяном, але Ёзуа Кіміх і Ілкай Гюндаган выглядаюць ідэальнымі кандыдатамі на тое, каб застаўбіць за сабой цэнтр поля на сёлетнім ЧС. Тым больш, што ў запасе з цэнтральных хаўбекаў ёсць толькі Ліён Гарэцка, таксама ў цэнтры можа згуляць Юліян Брант.

На пазіцыі дзясяткі будзе развівацца найбольшая інтрыга. Томас Мюлер – больш адцягнутая дзявятка, таму, імаверна, не будзе асноўным гульцом, прынамсі, у матчах групавога этапу. Джамал Мусіяла, Юліян Брант, Кай Гаверц і Марые Гёцэ – прэтэндэнты на з'яўленне на полі, але, калі Бранта можна разглядаць як васьмёрку, то Хаверца, імаверна, Флік будзе выкарыстоўваць больш як форварда. Гёцэ яшчэ не гатовы вярнуцца ў старт, а Мусіяла выглядае найлепшым рашэннем. Ён праводзіць проста фантастычны сезон, з'яўляецца найлепшым футбалістам мюнхенскай «Баварыі» прама зараз і знаходзіцца ў выдатнай форме.

Лірой Сане і Серж Гнабры – відавочныя стартары на флангах атакі, а дзявятку, хутчэй за ўсё, згуляе вышэйзгаданы Хаверц. Ніклас Фюлькруг і Юсуфа Мукока абавязкова атрымаюць свае хвіліны на турніры, але Флік спадзяецца, перш за ўсё, на вопыт у сур'ёзных матчах.

Чаго чакаць ад Германіі на ЧС-2022

Змена пакаленняў у зборнай Германіі фактычна пачалася яшчэ пасля пераможнага чэмпіянату свету-2014, і менавіта цяпер склад бундэсцім выглядае найбольш збалансаваным з тых часоў. Прынамсі, на паперы.

Важна адзначыць, што ў немцаў – вельмі няпростая група (Іспанія, Японія, Коста-Рыка), але разам з іспанцамі Die Mannschaft выглядаюць галоўнымі фаварытамі на выхад у плэй-оф.

У складзе Германіі ёсць свае недахопы і перавагі. З аднаго боку, каманда не вельмі дасведчаная, з іншага боку – у атацы складаецца пераважна з гульцоў «Баварыі», якія добра разумеюць адзін аднаго на полі. З аднаго боку, няма крэатыўных Ройса і Вернера, з другога – ёсць футбалісты, якіх можна выкарыстоўваць для розных задач у розных матчах.

Асноўны жа плюс немцаў – на галоўнага трэнера Хансі Фліка нічога не цісне. Нягледзячы на ​​рэзультаты ЧС, ён застанецца на чале каманды і працягне шукаць новае пакаленне футбалістаў, якія будуць гатовыя паўтарыць дасягненні сваіх зорных папярэднікаў.

Таму Германія не выглядае камандай з 2018-га, якая не выйдзе з групы, але пакуль што і не выглядае камандай з 2014-га, якая выйграе турнір.

Прагноз: выбыццё ў паўфінале.

Фота: Christina Pahnke/Global Look Press, James Gill – Danehouse, DFB