Самыя старыя і маладыя гульцы ЧС-2022. Раналду больш гадоў, чым юным нямецкім зоркам на дваіх, мексіканскім брамнікам сумарна 112

Нарэшце вядомы заяўкі ўсіх зборных на ЧС-2022. Пачынаем даставаць з іх самую цікавую інфармацыю. Перш за ўсё на розум прыходзіць, вядома ж, зрабіць топы самых маладых і самых старых футбалістаў.

15 найстарэйшых

Як і на любым іншым турніры, большасць месцаў у спісе самых узроставых займаюць брамнікі.

На гэты раз адзіным гульцом 40+ апынуўся кіпер зборнай Мексікі Альфрэда Талавера. Але мы наўрад ці ўбачым яго на полі, паколькі за 15 гадоў у нацыянальнай камандзе ён правёў толькі 40 матчаў. Хоць у апошнім перад ЧС таварняку ў аснове выйшаў менавіта Талавера, але першым нумарам каманды будзе Гільерма Очоа – яшчэ адзін прадстаўнік Мексікі ў гэтым топе. Яму ўжо 37, але не здзівімся, калі ён патрапіць у заяўку зборнай і на хатні ЧС праз 4 года.

Другім у спісе стаў палявы гулец - легенда зборнай Канады Атыба Хатчынсан. Ён выступае за каманду з 2003 года, перажыў з ёй паразы ад Эстоніі, Гватэмалы, Гвадэлупы, а цяпер ва ўзросце 39 гадоў паедзе на галоўны футбольны турнір. Хоць яго прысутнасць у заяўцы было пад пытаннем – ён толькі нядаўна аднавіўся ад траўмы, атрыманай у размяшчэнні «Бешыкташа» (гуляе там ужо 9 гадоў).

Рэмка Пасвеер цалкам можа быць асноўным варатаром Нідэрландаў, хоць дэбютаваў за каманду толькі ў верасні.

Ну і адзначым шмат зорак, для якіх гэты ЧМ дакладна стане апошнім – Сілва, Модрыч, Алвес, Пепе. Няма сумненняў, што і для Крыштыяну Раналду гэта развітальны турнір, паколькі трапіць на наступны без гульнявой практыкі будзе вельмі цяжка. Ці хтосьці верыць, што нейкі клуб адважыцца падпісаць яго пасля новага скандалу?

15 наймаладзейшых

Самым маладым гульцом турніру стане Юсуфа Мукако, які ў дзень старту ЧС як раз будзе святкаваць 18-годдзе. Ён дакладна атрымае гульнявы час, хоць не варта адразу чакаць яго ў аснове Германіі. А вось Джамала Мусіялу – варта. 19-гадовы паўабаронца таксама ў спісе самых маладых.

Можна адзначыць таксама Гаранга Куола, які стаў другім у топе. Юны форвард трапіў у заяўку Аўстраліі з-за гульні ў матчах за мясцовы «Сентрал Кост Мэрынерс», але ўжо ў студзені далучыцца да «Ньюкасла». За зборную ў яго пакуль толькі адзін матч.

У топ-3 апынуўся і Гаві. Яго чакаем у аснове зборнай Іспаніі, на яго ўскладаюць вялікія надзеі. Тая ж гісторыя і з Джудам Белінгемам – ад яго будзе залежыць гульня англічан на турніры. Гэта не перабольшанне, бо ў свае 19 ён ужо лідар «Барусіі» Д і зборнай.

Усе каментатары свету рады за маладога брамніка зборнай Камеруна Сiмона Нгапандуанбю, але моляцца, каб яму не даводзілася выходзіць на поле.

***

І яшчэ некалькі цікавых фактаў:

◉ самы стары капітан – Атыба Хатчынсан (Канада), 39 гадоў, 9 месяцаў, 12 дзён; самы малады капітан – Гары Кейн (Англія), 29 гадоў, 3 месяцы, 23 днi;

◉ найстарэйшы трэнер – Луі ван Гал (Нідэрланды), 71 год, 3 месяцы, 12 дзён; самы малады трэнер – Ліянэль Скалоні (Аргенціна), 44 гады, 6 месяцаў, 4 дні;

◉ трэці брамнік мексіканцаў, Радольфа Ката, едзе на турнір ва ўзросце 35 гадоў. Яго канкурэнтам – 37 (Очоа) і 40 (Талавера). Атрымліваецца, што сумарна кіперам зборнай Мексікі на ЧС-2022 аж 112 гадоў!

◉ Крыштыяну Раналду больш гадоў, чым двум маладым зоркам зборнай Германіі. Сумарны ўзрост Юсуфа Мукако і Джамала Мусіалы на момант старту ЧС складзе 37 гадоў, 8 месяцаў, 25 дзён. А Раналду па стане на 20 лістапада будзе 37 гадоў, 9 месяцаў, 15 дзён;

◉ 15 чэрвеня 2004 года форварду зборнай Коста-Рыкі Джэвісану Бенету быў усяго 1 дзень, а Крыштыяну Раналду ў той вечар выйшаў на поле ў матчы Еўра-2004. Мукако i Гавi яшчэ не нарадзiлiся;

◉ розніца ва ўзросце паміж найстарэйшым і наймаладзейшым гульцамi у заяўках на ЧС складаецца з вельмі сімвалічных лічбаў для турніру, які праходзіць у 2022 годзе: