«Лацыа» надаюць несправядліва мала ўвагі – давайце гэта выпраўляць. Яны перамаглі ўсе топ-клубы Серыі А і крочаць у ЛЧ

Галоўнай тэмай тыдня ў італьянскім футболе з'яўляецца выхад «Мілана» і «Інтэра» у паўфінал Лігі чэмпіёнаў, але ўнутры Серыі А ідуць гарачыя дэбаты наконт часовага вяртання 15 ачкоў «Ювентусу».

Турынскі клуб імгненна падняўся з восьмага на другое месца ў турнірнай табліцы, але наперадзе ўсё яшчэ «Напалі», якому толькі цудам не ўдасца стаць чэмпіёнам, і каманда, пра якую чамусьці мала кажуць, але якая заслугоўвае ўвагі – «Лацыа».

Пакуль у гэтым сезоне «Лацыа» з'яўляецца галоўным рымскім клубам чэмпіянату Італіі.

«Лацыа» – на другім месцы ў Серыі А. Маюць найлепшую абарону ў лізе і ўжо разглядаюцца найлепшай камандай Сары пасля «Напалі»

У сакавіку «Лацыа» двойчы прайграў галандскаму «АЗ» з лікам 1:2 у 1/8 Лігі канферэнцый, у якой пры самых нешчаслівых абставінах вылецеў з Лігі Еўропы. Спартыўны дырэктар «б'янкачэлесці» Іглі Тарэ назваў ЛК «турнірам для няўдачнікаў», што моцна абурыла прадстаўнікоў «Ромы», клуба, які выйграў леташні розыгрыш.

І Тарэ, і харызматычны Маўрыцыа Сары пастаянна скардзяцца на вялікую колькасць матчаў, якія каманда павінна правесці ў сезоне. Напярэдадні рымскага дэрбі, якое адбылося праз тры дні пасля вылету «Лацыа» з еўракубкаў, Жазэ Маўрынью вырашыў патроліць супернікаў: «Трэцяга турніру, у якім яны ўдзельнічаюць, у іх ужо няма? Які жаль».

«Лацыа» другі раз у сезоне разграміла «Рому» (і такога не было больш за 10 гадоў), а выхаванец і экс-футбаліст «Джаларосі» Алесіа Раманёлі пасля матчу адказаў свайму былому клубу: «У «Ромы» больш няма трэцяга дэрбі ў гэтым сезоне, праўда?»

Менавіта тая перамога над прынцыповым супернікам падкрэсліла фантастычны сезон, які праводзіць рымская каманда. Памятаеце той «Напалі», які ўзначальваў Сары? У той час за яго яшчэ гулялі Ігуаін, Мертэнс, Інсінье, Жоржыньё і Марэк Гамсік. Такім чынам, сярод усіх каманд Сары гэты «Лацыа» больш за ўсё нагадвае Sarrismo – філасофію італьянскага трэнера, якая дапамагла дасягнуць вынікаў у Неапалі.

Канцэпцыя Sarrismo ператварылася ў фанатычны Sarriball, які выкарыстоўваецца, калі каманда Маўрыцыа адзначаецца чымсьці характэрным на футбольным полі.

Вось, напрыклад, пераможны гол «Лацыа» у браму «Ювентуса» на пачатку красавіка:

І гэта – адзін трох з забітых мячоў яго каманды ў матчы са «Спецыяй» ужо на наступным тыдні:

Жывым Sarriball робяць гульцы «Лацыа», з якіх у гэтым сезоне сабралася дужа някепская каманда.

Левы вінгер Матыя Дзаканьі, які ўлетку перайшоў у «б'янкачэлесці» з «Вероны» усяго за 7,1 мільёна еўра, у гэтым сезоне запісаў на свой рахунак ужо 19 рэзультатыўных дзеянняў. На супрацьлеглым фланзе зноў атрымлівае асалоду ад футбола Фэліпэ Андэрсан у якога ва ўсіх турнірах аднолькавыя 10+9, а ролю цэнтрфорварда выконвае вечны Чыра Імобіле – адзін з найлепшых футбалістаў у гісторыі клуба.

Магутны трохкутнік у цэнтры поля складаюць Даніла Катальдзі, шлях якога ў аснову «Лацыа» быў даволі складаным, Сяргей Мілінковіч-Савіч і Луіс Альберта.

Але асабліва трэба адзначыць абарону рымлян, бо «Лацыа» –каманда з найлепшай абаронай у Серыі А ў гэтым сезоне. Навічкі Алесіа Раманолі (прыйшоў на правах свабоднага агента, у мінулым сезоне гуляў за «Мілан») і Нікола Казале (набылі за 7 мільёнаў еўра ў «Вероны»), сталі асноўным у цэнтры аховы, справа гуляе ўжо дасведчаны Адам Марушыч, а левы край ужо традыцыйна закрывае праваногі Эльсеід Хюсай.

Галоўным адкрыццём сезона стаў галкіпер Іван Праведзель, які быў набыты ў «Спецыі» усяго за 2,4 мільёна еўра. На яго рахунку 18 «сухіх» матчаў, ён амаль не дае шанцаў іншаму галкіперу – Луісу Максіміліяна, на набыццё якога клуб выдаткаваў больш за 10 мільёнаў еўра мінулым летам.

Такім чынам, кароткае падсумаванне «Лацыа» у гэтым сезоне:

• другое месца ў турнірнай табліцы чэмпіянату Італіі;

• лепшая абарона ў Серыі А, прапусціўшы ўсяго 20 мячоў;

• другая найлепшая розніца забітых-прапушчаных пасля «Напалі»;

• 18 сухіх матчаў у лізе;

• 7 перамог у апошніх 10 матчах «серыялу».

Але гэта яшчэ не ўсе дасягненні «б'янкачэлесці» у бягучым сезоне.

«Лацыа» – лідар у матчах з топамі. Каманда выйграла прынамсі раз у кожнай італьянскай топ-каманды ў гэтым сезоне

Калі б у Серыі А была свая міні-ліга, якая складалася б з топ-7 каманд чэмпіянату, то «Лацыа» быў бы ў ёй лідэрам. Падапечныя Маўрыцыа Сары перамагалі «Напалі», «Ювентус», «Рому», «Мілан», «Інтэр» і «Аталанту» прынамсі адзін раз, а некаторыя нават двойчы.

Цікава, што з васьмі апошніх матчаў чэмпіянату адзіныя топы сярод супернікаў «б'янкачэлесці» з'яўляюцца – два міланскія клубы. Таксама каманда згуляе з «Тарына», «Сасуола», «Лечэ», «Удынэзэ», «Крэманезэ» і «Эмпалі». Калі планы Сары не разбурацца ў канцы цяперашняй кампаніі, у «Лацыа» будзе магчымасць упершыню з 2000 года (калі каманда апошні раз станавілася чэмпіёнам) фінішаваць у топ-2.

Стаць чэмпіёнамі гэтым разам ужо не атрымаецца (дагнаць «Напалі» практычна немагчыма), таму галоўная задача каманды — трапіць у Лігу чэмпіёнаў. Матывацыя павінна быць шалёная, бо за апошнія 15 гадоў рымляне толькі двойчы гулялі ў найлепшым клубным турніры.

Фота: Massimo Insabato, Gabriele Maltinti/REUTERS, Marco Rosi - SS Lazio