7 беларусаў, якіх хутка могуць выбраць на драфце НХЛ: найлепшы навак МХЛ, вялікі абаронца і тыя, хто выбіў добрую статыстыку за акіянам

З 28 па 29 чэрвеня ў Нэшвіле пройдзе драфт НХЛ-2023. З еўрапейскіх гульцоў на яго могуць прэтэндаваць хакеісты, якія нарадзіліся паміж 1 студзеня 2003-га і 15 верасня 2005-га. Усяго клубы НХЛ у сямі раундах замацуюць за сабой правы на 224 гульцы.

На сямі апошніх драфтах абавязкова выбіралі хаця б аднаго прадстаўніка Беларусі. Усё ідзе да таго, што 2023-ты не стане выключэннем. Адразу сямёра беларусаў фігуруюць у розных заакіянскіх рэйтынгах. Вось да каго прыглядаюцца ў наймацнейшай лізе свету.

Іван Аношка, 18 гадоў, нападаючы

Рэйтынгі перад драфтам НХЛ:

№39 - NHL Central Scouting (EU Skaters)

№91 - Logan Horn, The Hockey Writers

№141 - Corey Pronman, The Athletic

№186 - McKeen's Hockey

Сезон-2022/23: «Дынама-Шыннік», МХЛ - 55 матчаў, 54 (21+33) ачкі; «Дынама-Маладзечна» - 2 матчы, 1 (0+1) ачко

Цэнтральнае скаўцкае бюро НХЛ уключыла выхаванца мінскага "Дынама" ў топ-40 рэйтынгу хакеістаў з Еўропы для драфту. Высокае размяшчэнне беларуса ў спісе не павінна здзіўляць - па выніках сезона Аношка быў прызнаны найлепшым навічком МХЛ. Там ён стаў 11-м бамбардзірам рэгуляркі, выбіўшы 53 (21+32) ачкі ў 53 матчах. На выніковасць звярнулі ўвагу за акіянам - у пачатку траўня нападаючага абраў "Су-Фолс" пад 156-м пікам на драфце USHL - галоўнай юніёрскай лігі ЗША.

«Пра НХЛ яшчэ вельмі рана нешта казаць, гэта папярэдні спіс, пра гэта моцна не думаю. Але сачыць за драфтам буду абавязкова. Вельмі прыемна, калі цябе выбіраюць, але стараюся не зацыклівацца, як будзе, так будзе. Чакаю з нецярпеннем, калі ўсё пачнецца», – дзяліўся думкамі сам Аношка.

Пры не самых вялікіх габарытах (179 см, 78 кг) хакеіст дзейнічае на пазіцыі цэнтрфорварда і не баіцца барацьбы ля варот - за сезон у МХЛ выканаў больш за сотню сілавых прыёмаў. Каб стаць сапраўды канкурэнтным на ўзроўні НХЛ, Аношку трэба пры сваёй антрапаметрыі дадаць у дынамізме. Хаця не факт, што сам нападаючы імкнецца за акіян. Івану хочацца "хочацца аддаць належнае мінскаму "Дынама", якое мяне выхавала".

Данііл Карповіч, 18 гадоў, абаронца

Рэйтынгі перад драфтам НХЛ:

№41 - Corey Pronman, The Athletic

№59 - NHL Central Scouting (EU Skaters)

№88 - Draft Prospects Hockey

№137 - McKeen's Hockey

Сезон-2022/23: «Аўта», МХЛ - 54 матчы, 37 (11+26) ачкоў

Мінулым летам дэф пакінуў Беларусь U-18 і падпісаўся з «Аўтамабілістам», дзе яго адправілі набірацца досведу ў МХЛ. Карповіч быў адным з намінантаў на званне навіка года, але па выніку саступіў суайчынніку Аношку. На працягу сезона Данііл быў лідарам абароны «Аўта» і стаў самым выніковым абаронцам каманды. Каментатар KHL і KHL Prime Кірыл Карнілаў назваў беларуса "ключавым абаронцам "Аўта", які на працягу ўсяго сезона рабіў розніцу ў многіх момантах".

Не варта дзівіцца, калі Карповіча абяруць ужо ў першай сотні драфту – такія перспектывы яму малююць адразу два заакіянскіх рэйтынгі. Дэф валодае самавітай антрапаметрыяй (190 гл, 95 кг) і пры гэтым мае добрае катанне, што дапамагае змагацца за шайбу. Данііл дзякуючы моцнаму кідку здольны дапамагаць у нападзенні - за «Аўта» закідваў у сярэднім кожны пяты матч. Адзначым, што нядаўна ў Карповіча з «Аўтамабілістам» скончыўся кантракт, які быў разлічаны на адзін сезон.

Канстанцін Валачко, 17 гадоў, абаронца

Рэйтынгі перад драфтам НХЛ:

№42 - NHL Central Scouting (EU Skaters)

№115 - Corey Pronman, The Athletic

№149 - McKeen's Hockey

Сезон-2022/23: «Дынама-Шыннік», МХЛ - 48 матчаў, 21 (8+13) ачко; Беларусь U-18, вышэйшая ліга - 11 матчаў, 2 (0+2) ачкі

Маючы адбыцца драфт НХЛ дэф назваў марай дзяцінства. «Хочацца быць абраным якім-небудзь клубам. Мне не прынцыпова, якая каманда мяне абярэ, хацелася б проста апынуцца на гэтым драфце, было б вельмі прыемна», – прызнаўся Валачко.

Абаронца выношвае пэўныя планы. Валачко хоча ў наступным сезоне прабіцца ў мінскае "Дынама" і зайграць на ўзроўні КХЛ. Пакуль жа ў хакеіста за плячыма толькі вопыт у вышэйшай лізе за маладзёжныя зборныя і сезон у МХЛ за "Дынама-Шыннік" (стаў у камандзе другім бамбардзірам-абаронцам і з'ездзіў на матч зорак лігі).

У гульні Валачко асабліва не знайсці слабых бакоў, аднак, з іншага боку, не сказаць, што ў яго хакеі нейкія навыкі моцна выдзяляюцца. Выключэннем з'яўляецца хіба што вельмі магутны кідок - ён у дэфа быў самым хуткім на Кубку Выкліку (133 км/г). Але не варта цешыць сябе.

«Цяпер развіццё ягонай кар'еры адбываецца скачкамі, таму натуральна, лідарскія якасці выяўляюцца пакуль не заўсёды. Усё ж планку чаканняў ён падняў вельмі высока, гэта гулец, які прэтэндуе на драфт НХЛ. Але юны ўзрост і недахоп досведу пакуль не заўсёды дазваляюць гэтым чаканням адпавядаць», – у снежні перасцярог ад завышаных чаканняў скаўт ФХБ Арцём Жандараў

Вадзім Мароз, 19 гадоў, нападаючы

Рэйтынгі перад драфтам НХЛ:

№49 - NHL Central Scouting (EU Skaters)

№130 - Corey Pronman, The Athletic

№206 - McKeen's Hockey

Сезон-2022/23: "Дынама" Мінск, КХЛ - 39 матчаў, 14 (5+9) ачкоў; "Дынама-Шыннік", МХЛ - 11 матчаў, 9 (2+7) ачкоў; «Металург», Экстраліга - 13 матчаў, 6 (3+3) ачкоў

Адзіны прадстаўнік КХЛ і зборнай Беларусі ў спісе, і ўсё роўна гэта не робіць нападаючага лідарам сярод беларусаў у пераддрафтавых раскладах. Даволі буйны форвард (188 см, 84 кг) амаль увесь сезон правёў у ніжэйшых звёнах мінскага "Дынама", часам з'язджаючы за практыкай у "Дынама-Шыннік". Але і гэтае выдатнае дасягненне для хакеіста - перад стартам рэгуляркі-2022/23 мала хто верыў, што ў яго наогул атрымаецца замацавацца ў шэрагу «зуброў». Пасля вылету "Дынама" з Кубка Гагарына Мароз з'ехаў у Жлобін, каб дапамагчы "Металургу" заваяваць другі чэмпіёнскі тытул запар.

За акіянам канстатуюць уменне нападаючага валодаць шайбай і крэатывіць у нападзенні. Вось толькі Марозу для ажыццяўлення энхаэлаўскай мары неабходна сур'ёзна падцягнуцца катанне, на што звяртае ўвагу аўтар The Athletic Коры Пронман, ставячы беларуса на 130-е месца ў сваім рэйтынгу перад драфтам. Пры гэтым кантракт Мароза з "Дынама" дзейнічае яшчэ адзін сезон.

Андрэй Лашко, 18 гадоў, нападаючы

Рэйтынгі перад драфтам НХЛ:

№68 - NHL Central Scouting (EU Skaters)

№74 - FCHockey

№133 - Corey Pronman, The Athletic

№138 - McKeen's Hockey

Сезон-2022/23: «Шыкуцімі», QMJHL – 72 матчы, 71 (22+49) ачко

Выхаванца жлобінскага хакея заўважылі за акіянам, калі той яшчэ выступаў за зборныя ў Раўбічах. Улетку 2021-га Лашко пад 46-м пікам на імпарт-драфце CHL падабраў «Шыкуцімі». Хакеіст адразу пакаціў гуляць за гэты клуб у QMJHL - адну з трох асноўных юніёрскіх ліг, якія разам утвараюць Канадскую хакейную лігу. Калі першы сезон атрымаўся скамечаным праз позна аформленыя дакументы, то другі склаўся выдатна. Пастаянна прагрэсуючы, Лашко стаў найлепшым бамбардзірам і асістэнтам "Шыкуцімі".

Скаўты выдзяляюць у беларусе добрае валоданне шайбай, крэатыўнасць у стварэнні і цалкам нядрэннае катанне. Аднак па гульні ў абароне і стабільнасці на лёдзе ёсць пытанні. Сам хакеіст прызнаваўся, што не сочыць за спісамі праспектаў перад драфтам.

«Цяпер гэта нічога не значыць. Наогул, выбар на драфце па-рознаму ўплывае на розных гульцоў, усё залежыць ад асобы. Кагосьці абяруць - і ён расслабляецца, маўляў, ужо ўсяго дамогся. Іншага, наадварот, гэта матывуе, надае больш упэўненасці і жадання працаваць», - разважаў Лашко.

Ягор Сідараў, 18 гадоў, нападаючы

Рэйтынгі перад драфтам НХЛ:

№81 - NHL Central Scouting (EU Skaters)

№115 - McKeen's Hockey

№140 - Corey Pronman, The Athletic

Сезон-2022/23: «Саскатун», WHL – 69 матчаў, 95 (49+46) ачкоў

Віцяблянін знаходзіцца на алоўку клубаў НХЛ ужо трэці год - ад таго моманту, як на ЧС U-18 зрабіў пяць асістаў у пяці матчах. Улетку 2021-га Сідарава разам з Лашко абралі на імпарт-драфце CHL - толькі Ягора ўзялі пад 20-м нумарам. Пасля першага адаптыўнага сезона Сідараў выбіў уражальныя 95 ачкоў у 69 матчах WHL - яшчэ аднаго турніру Канадскай хакейнай лігі. Праўда, гэта ўсяго толькі 19-ы паказчык у гонцы бамбардзіраў WHL.

Мінулы сезон, у якім "Саскатун" дайшоў да паўфіналу плэй-оф, паказаў, што Сідараў цудоўна пачуваецца ў тэмпавым хакеі і валодае выдатным кідком, які дазваляе афармляць галы практычна ў кожным матчы. Беларус мае добрую прэсу за акіянам, атрымліваючы пазітыўныя водгукі ад журналістаў. Сідарава любяць называць "сырым талентам", у якога пры належным падыходзе вялікая будучыня. Да прыкладу, нядаўна выданне Canucks Army парэкамендавала абраць нападаючага "Ванкуверу" у чацвёртым раундзе драфта, дзе ў каманды забраніравана адразу тры пікі.

Данііл Боўраш, нападаючы, 19 гадоў

Рэйтынгі перад драфтам НХЛ:

№95 - Logan Horn, The Hockey Writers

№163 - NHL Central Scouting (EU Skaters)

Сезон-2022/23: «Руэн-Норанда», QMJHL - 75 матчаў, 81 (50+31) ачко

У гэтага форварда ідэнтычная гісторыя - драфт CHL-2021 пад 79-м нумарам і ад'езд за акіян. Там на адаптацыю пінчуку таксама спатрэбіўся год. За мінулы сезон Боўраш выбіў 81 бал, дзякуючы чаму ўвайшоў у бамбардзірскі топ-25 QMJHL. Падчас сезона беларус скардзіўся, што яму праз высокую рэзультатыўнасць даводзіцца сутыкацца з персанальнай апекай. Аднак гэта толькі палепшыла скілы Боўраша - у сярэднім ён набіраў больш бала за гульню. Закінуць паўсотні шайб Даніілу дапамог магутны кідок і ўменне адкрывацца перад варотамі.

Цяпер за акіянам шмат кажуць пра цікавасць да Боўраша з боку «Вегаса», які быццам не супраць задрафтаваць беларуса. Аднак калі гэтага не здарыцца, хакеіст паспрабуе моцна не хвалявацца.

«Сачу за спісамі перад драфтам, але гэта не галоўны прыярытэт для мяне. Гісторыя паказвае, што можна быць на прыкмеце ў клуба НХЛ, нават калі не трапляеш на драфт», - зазначыў нападаючы.