Ультрас «Напалі» вярнулі Спалеці руль, скрадзены з яго Фіята 2 гады таму
Стрымалі слова
Як можна развітацца з трэнерам, які прынёс вашаму клубу першае скудэта за 33 гады? Як наконт вярнуць скрадзенае?
Менавіта гэта арганізавалі некаторыя лідэры ультрас «Напалі» у апошнія гадзіны знаходжання Спалеці на «Кастэль Вольтурна». Трэнер прыняў фанатаў у трэніровачным цэнтры «Конамі», дзе апошнія, прыкрыўшы твары, уручылі яму падарунак, загорнуты ў блакітную паперу. Пад усеагульны смех трэнер разгарнуў пакаванне і знайшоў у скрынцы руль аўтамабіля і дыск Піно Даніэле.
Спалеці сапраўды быў абрабаваны на сваім аўтамабілі Fiat Panda у кастрычніку 2021 года, і сярод скрадзеных рэчаў быў дыск неапалітанскага спевака. Тады фанаты разгарнулі іранічны банэр паабяцаўшы вярнуць нарабаванае, калі спецыяліст вырашыць пакінуць клуб.
І стрымалі сваё слова.
