Адзін з самых памятных матчаў для Крышціяну – той, у якім забіў беларус Кутузаў: не толькі абменьваліся асістамі, але і гулялі ў прыстаўку

Беларускі спецыяліст Віктар Ганчарэнка, які здолеў пераадолець паніку і прывыкнуць да вайны Расіі супраць Украіны, у адным з апошніх інтэрв'ю адказаў на галоўнае пытанне сусветнага футбола: "Месі ці Раналду?".

Трэнер абраў аргенцінца, бо лічыць, што Месі практычна ва ўсіх аспектах (акрамя забітых мячоў) пераўзыходзіць Раналду. А яшчэ Ганчарэнка прыгадаў пацешную гісторыю 20-гадовай даўніны, звязаную з юным Крышам (яму было ўсяго 17) і яго тагачасным аднаклубнікам па «Спортынгу» Віталём Кутузавым – «Мілан» на сезон-2002/03 аддаў 22-гадовага ўраджэнца Пінска ў арэнду. .

- Я вельмі добра памятаю сваю размову з Віталём Кутузавым, якога купіў «Мілан», а потым аддаў у арэнду ў «Спортынг», дзе як раз пачынаў Раналду. Неяк раз я з ім [Кутузавым] гаварыў па тэлефоне, пытаю: "Ну што вы там у Партугаліі робіце?". Ён адказвае: "Ды ў прыстаўку з хлопцам гуляю, клічуць Раналду". Я яму: "І як ён на полі?". Кутуз адказвае: "Ды малады, як мяч страціць, дык нас пачынаюць вазіць". Такая вось размова была, ха-ха, – распавёў Ганчарэнка.

Кутузаў маладога Раналду характарызаваў як дапытлівага гульца: Крыштыяну прасіў старэйшага калегу распавесці пра «Мілан» і Расію, а таксама не саромеўся пытацца парадаў, як лепш дзейнічаць на полі.

Свой дэбютны сезон на дарослым узроўні пяціразовы ўладальнік Залатога мяча зусім нядаўна ўспамінаў сам: спартовы рэсурс Livescore прапанаваў яму зафіксаваць самыя значныя моманты ў кар'еры - адным з такіх стаў першы "дарослы" гол, забіты 7 кастрычніка 2002 гады ў вароты "Марэйрансэ".

Тая сустрэча скончылася перамогай «Спортынга» з лікам 3:0 - Роналду па выніку зрабіў дубль, а лік у матчы адкрыў якраз Кутузаў.

Адметна, што за некалькі дзён да матчу супраць «Марэйрансэ» Крышціяну зрабіў першы асіст у кар'еры, а забіў з яго падачы менавіта беларускі форвард.

Але гэтага не хапіла для праходу ў наступны раунд кваліфікацыі Кубка УЕФА: "Спортынг" здолеў адыграцца пасля выязнога паражэння ад сербскага "Партызана" 1:3 і перавесці матч у дадатковыя таймы, але там прапусціў двойчы і скончылі выступленне ў еўракубках.

На ўнутранай жа арэне "зялёна-белыя" ўзялі бронзавыя медалі чэмпіянату і заваявалі Суперкубак краіны (Кутузаў у тым матчы забіў адзін з пяці мячоў у вароты "Лейшаэша"). Беларус і партугалец выбілі ў сезоне нядрэнную статыстыку: у першага 8+0 у 31 матчы (ва ўсіх турнірах), у другога 5+6 пры такой жа колькасці паядынкаў. А па яго заканчэнні абодва клуб пакінулі: Віталь вярнуўся ў «Мілан», неўзабаве адправіўшыся ў новую арэнду, а Крыштыяну, спадабаўся Алексу Фергюсану ў таварыскім матчы супраць «МЮ» і пераехаў у Англію.