Кіпер «Баварыі» паабяцаў падарыць дэ Лігту грузавік швейцарскага шакаладу за неверагодны сэйв – і зрабіў гэта
Але ўмяшаліся законы
Варатар «Баварыі» Ян Зомер пасля матчу з «ПСЖ» у 1/8 фіналу ЛЧ (2:0) паабяцаў падараваць грузавік швейцарскага шакаладу Матэйса дэ Лігта – у знак падзякі за вынас мяча з лініі варот.
Ян Зомер падзякаваў Матэйсу дэ Лігту за сэйв лініі варот у матчы супраць «ПСЖ» (2:0).
На 38-й хвіліне гульні ў адказ 1/8 фіналу ЛЧ Зомер памыліўся, страціўшы мяч пад прэсінгам Ашрафа Хакімі. Віцінья прабіў з-за межаў штрафной, і дэ Лігт у подкате вынес мяч з лініі варот.
«У мяне сэрца замерла, так што Матэйс фантастычна сыграў. Падганю грузавік швейцарскага шакаладу да яго дома – гэта было неверагодна!
У той сітуацыі я прыняў няправільнае рашэнне, такое часам бывае ў футболе. Калі б не гэты сэйв, гульня была б зусім іншай», – сказаў варатар «Баварыі».
І ў выніку Зомер выканаў сваё абяцанне! У чацвер швейцарская кампанія Kägi адправіла грузавік з Готэнбурга ў Мюнхен, каб перадаць дэ Лігту прысмакі ад імя варатара. Гэта быў не звычайны шакалад, а вафлі, пакрытая малочным шакаладам. Агульная маса грузу склала каля 700 кг.
Аднак на пад'ездзе да Мюнхена высветлілася, што перадаць шакалад футбалісту не атрымаецца.
«За дзесяць хвілін да Мюнхена паступілі дрэнныя навіны: грузавік швейцарскага шакаладу не дазволілі афіцыйна перадаць. Пасля больш чым трохгадзіннай язды расчараванне стала невыноснымч», – сказала прэс-сакратар Kägi Міу Нгуен.
Замест таго, каб везці груз назад, кампанія прыняла рашэнне перадаць шакалад дабрачыннай арганізацыі Tafel, якая спецыялізуецца на прадуктовай дапамозе маламаёмасным.