Кіраўнік БФБ Селімаў – пра выступ барцоў на ЧС: «Краіна, федэрацыя зрабілі для іх усё магчымае. Але на тры віды барацьбы адзін медаль – гэта замала»

Кіраўнік беларускай федэрацыі барацьбы Алім Селімаў пракаментаваў выступленні беларусаў на Чэмпіянаце свету ў Бялградзе.

– У цэлым, мы не зусім задаволеныя. Улічваючы тое, што мы разлічвалі ў кожным відзе барацьбы ўзяць па дзве ліцэнзіі, а сёння ў нас толькі дзве ліцэнзіі на ўсю барацьбу. Канешне, той план, які мы планавалі, не атрымаўся.

У мяне асабіста, як барца, ёсць пэўныя пытанні да спартоўцаў, да поўнай самааддачы ў некаторых момантах. Я не магу сказаць, што хлопцы не хацелі перамагчы. Канешне, кожны, хто туды едзе, разумее, навошта ён туды едзе».

– Можна казаць, што нам маглі перашкодзіць знешнія фактары, альбо ўсё было ў нашых руках?

– Можна знайсці вельмі шмат фактараў, але гледачам, заўзятарам гэта не цікава. Цікавы той момант, калі нашы хлопцы стаяць на пастаменце, заваёўваюць медалі, ліцэнзіі.

Вядома, паўплывала паўтарагадовая паўза ў міжнародных стартах і адсутнасць барацьбы з замежнікамі. Гэта як запушчаны механізм, які ўзяў і спыніўся. І трэба зваротна ўсё запускаць нанова, і мы ў пачатку гэтага запуску: мінулі першы чэмпіянат міру.

Я гатовы прыняць увесь удар на сябе. Я не хачу вінаваціць хлопцаў, вінаваціць трэнера, я бачыў, як яны працавалі. Мы, як федэрацыя, зрабілі для іх усё максімальна магчымае для падрыхтоўкі да міжнародных стартаў, стварылі максімальна камфортныя ўмовы для трэніровачнага працэсу, і краіна вельмі шмат зрабіла. Але на тры віды барацьбы адзін медаль – гэта замала, – сказаў Селімаў.