У Францыі адбыўся гучны скандал з-за паходу Мбапэ ў начны клуб. За гульца уступіўся трэнер зборнай і клуб

Галоўная суперзорка зборнай Францыі Кіліян Мбапэ не ўдзельнічаў у нядаўнім паядынку супраць Ізраіля ў рамках Лігі нацый. На вынік яго адсутнасць асабліва не паўплывала – «Ле Бле» атрымалі ўпэўненую перамогу 4:1.

Замест матча гульца «Рэала» можна было пабачыць у Стакгольме, дзе ён разам з сябрамі наведаўся спачатку ў рэстаран Chez Jolie, а потым у начны клуб V, куды завітаў разам з экс-партнёрам па «ПСЖ» Нордзі Мукіеле.

Увогуле Кіліян рабіў усё, каб гэты візыт у Швецыю застаўся засакрэчаным, але яму гэта не ўдалося. Вось кадры, як Мбапэ прыляцеў у Скандынавію.

Начны клуб, які размешчаны ў сталіцы Швецыі, славіцца тым, што ў ім часта адпачываюць зоркі і VIP-персоны рознага роду. Умяшчальнасць ўстановы невялікая: яно разлічана прыкладна на 250 гасцей, што дазваляе лепш кантраляваць паводзіны наведвальнікаў. Спісы гасцей складваюцца загадзя.

Акрамя таго, у клубе «V» катэгарычна забаронена карыстацца смартфонамі. Гэта правіла працавала і падчас візітаў Мбапэ і кампаніі. Усіх гасцей папрасілі пакласці тэлефоны ў спецыяльныя канверты.

Як паведамляюць шведскія СМІ, Кіліян Мбапэ правёў у гэтым начным клубе дзве ночы запар.

Французскія заўзятары былі незадаволеныя паводзінамі Мбапе і падазраюць яго ў тым, што ён можа наўмысна сімуляваць траўму, каб не гуляць за нацыянальную каманду.

«Многае ў сітуацыі з Кіліянам кажа само за сябе. Я кажу гэта не для таго, каб апраўдаць Кіліяна, а для таго, каб мы глядзелі на сітуацыю больш шырока. Трэба памятаць, што інтарэсы клубаў і інтарэсы зборных у нейкі момант непазбежна разыходзяцца. І я кажу не толькі пра зборную Францыю, таму што гэта адносіцца і да іншых нацыянальных каманд. Мы таксама не павінны забываць, што працадаўцам з'яўляецца клуб, а не федэрацыя, і так было заўсёды», – пракаментаваў сітуацыю галоўны трэнер зборнай Францыі Дзідзье Дэшам.

«Рэал» таксама адрэагаваў на сітуацыю:

«Паездка Кіліяна Мбапэ ў Швецыю падчас міжнароднага перапынку была ўхваленая мадрыдскім «Рэалам». Ніякіх праблем няма», – напісаў журналіст Санці Аўна.