Фэйл дня: «Карона» Шыкаўкі не забіла 2 пенальці – і вылецела з Кубка, саступіўшы з розніцай у 2 мячы
Паслядоўная магія лічбаў.
Увечары 25 лютага адбыўся першы чвэрцьфінальны матч Кубка Польшчы. У ім «Карона» беларускага форварда Яўгена Шыкаўкі гуляла на выездзе з хожаўскім «Рухам» (Д2) і прайграла вельмі драматычна.
Спачатку кельценцы не забілі пенальці на 12 хвіліне і праз дзве прапусцілі самі. На 52-й «Рух» павялічыў перавагу – праз 21 хвіліну «Карона» атрымала шанец вярнуцца ў гульню, але не забіла свой другі 11-метровы ў матчы. Галоўным героем у абодвух выпадках стаў 24-гадовы брамнік хожаўцаў Якуб Бялецкі.
У выніку каманда Шыкаўкі (з'явіўся на полі на 60-й хвіліне) прайграла з лікам 0:2 пры двух незабітых пенальці і вылецела з Кубка – цалкам заканамерна.
26 лютага ў 23:00 па беларускім часе «Легія» Іллі Шкурына згуляе супраць «Ягелоніі», у чацвер адбудзецца матч «Пушчы» Баркоўскага з «Палоніяй».
Другие посты пользователя
