Медыйны клуб Драгуна знайшоў новага фундатара – падпісалі кантракт на фоне календара рэжымнага ведамства
Сумна знаёмыя кожнаму беларусу тры літары.
Сэрвіс абмену крыптавалют WhiteBird стаў саўладальнікам медыякаманды DMedia, якую прадстаўляе Станіслаў Драгун. Месяц таму «Трыбуна» пісала, што праект, зроблены для расійскай медыялігі, можа знікнуць праз сыход галоўнага спонсара. Але, нягледзячы на цяжкасці, DMedia падала заяўку на ўдзел у новым сезоне.
Драгун выклаў сторыс з цікавай дэталлю: дамову ён падпісаў у кабінеце, дзе вісеў, здавалася б, звычайны каляндар. Але калі прыгледзецца, можна заўважыць эмблему беларускага КДБ і выяву іх галоўнага будынку.
WhiteBird з'явілася ў 2018-м, а 2020 года з’яўляецца рэзідэнтам ПВТ. Спачатку кампанія працавала як крыптаабменнік, але зараз мае ліцэнзію крыптабіржы. Кантора працуе не толькі ў Беларусі, але і рэзідэнтамі СНД. Яна абслугоўвае больш за 50 тысяч кліентаў. Сярод партнёраў — беларускі «Альфабанк» (пад санкцыямі Вялікабрытаніі) і «Беларусбанк» (пад санкцыямі ЕС яшчэ з 2021 года). DMedia з’явілася ў красавіку 2023 года. «Трыбуна» ужо распавядала, як стваралася гэтая каманда і хто за ёй стаіць.
Другие посты пользователя
