Футбол Городея – Динамо Минск текстовая трансляция

Усё! Матч скончаны! «Дынама» набірае 7 балаў, у «Гарадзеі" застаецца 0 у графе набраных пунктаў. Гаспадары не змаглі стварыць 100% галявых момантаў. Дынамаўцы рэалізавалі свой момант і заканамерна перамагаюць.

Да асноўнага часу другога тайма суддзя дадае мінімум 3 хвіліны. Ці пабачым мы з Вамі яшчэ забітыя галы?

Пасля атакі левым флангам мяч на мяжы штрафной прылятае да Наёка. Той у падзенні прабівае — стрэлу не хапіла дакладнасці.

Фол у атацы. Пасля парушэння правілаў гульцоў «Дынама», ад цэнтральнага круга навешвалі гаспадары. Арбітр прад'яўляе жоўтую картку Лебедзеву.

ГОООООООООООЛ!
Хвашчынскі! Угадвае з заменаю Сяргей Гурэнка. Атрымаў закід ад партнёра па камандзе і моцна прабівае пад перакладзіну. 2:0.

Апошняя замена ў «Дынама». Замест Макася ў гульню ўваходзіць Хвашчынскі.

Навес з правага боку на Варанкова. Магло быць небяспечна, але прагучаў свісток арбітра — афсайд.

Пасля навеса Нікаліча са штрафнога мяч прыляцеў да Яхая. Ганец прыбраў на замаху абаронца «Гарадзеі", але стрэл выйшаў недакладным.

Закід на Макася. Той падае ў штрафной, але арбітр ніяк не рэагуе.

Замена ў «Дынама». Замест аўтара гола Салаўя на поле з'яўляецца Капленка.

Апошняя замена ў складзе «Гарадзеі". Замест Пушнякова выйшаў Пархачоў.

Яшчэ адзін небяспечны стрэл гульцоў «Гарадзеі". Як і хвіліну таму ўдару не хапіла дакладнасці. Прыбіраюць гарадзейцы ініцыятыву да сваіх ног.

Метраў з 27 прабіваў штрафны Пагасян. Моцна, недакладна і вышэй за браму.

Замена ў складзе «Дынама». Замест Юрыя Астравуха на поле з'яўляецца Арцём Быкаў.

Правым флангам развівалася атака «Дынама». нападнік падпрацоўваў мяч, але абаронцы «Гарадзеі" адвялі небяспеку.

Замена ў перапынку. Замест Усені на поле выходзіць Варанкоў.

Другі тайм распачаўся.

Шмат барацьбы прадэманстравалі каманды. «Дынама» мела стварыла больш небяспекі — як вынік забіты мяч. У «Гарадзеі" было шмат закідаў, але гульцы сталічнага клуба памылак на другім паверсе не дапусцілі. Перапынак, давайце адпачнем і мы з Вамі.

Ігнаценка выходзіў сам-насам з Гарбуновым. Небяспечны момант, але бакавы арбітр зафіксаваў становішча па-за гульнёй

Да асноўнага часу першага тайма дададзена мінімум 1 хвіліна

Капітанская павязка ў гаспадароў перайшла да Кірыла Паўлючака

Замена ў Гарадзеі. Замест Лебедзва ў гульню пад нумарам 7 уступіў Пагасян. Чым сказана замена яшчэ ў першым тайме?

Ігнаценка атрымлівае жоўтую картку за сімуляцыю. Убягаў нападнік у штрафную з левага боку і прасіў пенальці ў суддзі. Віктар Шымусік вырашыў па-іншаму

Працягваюць каманды гуляць у тым жа стылі. Гарадзейцы пакуль не могуць стварыць нябеспеку ля брамы Дынама. З іншага боку, Дынама надзейна гуляе абароне

ГООООООООООЛ! Арцём Салавей!
Метраў з 11 з левага боку штрафной. Ударыў па лятучаму мячу, Раманюк дакрануўся да мяча, але выратаваць сваю каманду не змог. 1:0 на карысць Дынама

Метраў з 35 са штрафнога зноў моцна прабіваў Наёк. Раманюк не стаў лавіць мяч, а абаронцы адвялі пагрозу. Бачна, што капітан Дынама моцна зараджаны на гульню

Верны момант упускае Дынама! Нікаліч меў момант з правага боку штрафной плошчы. Трапіў роўна ў брамніка!

Наёку скацілі пад удар ля сегмента штрафной плошчы. Раманюк адводзіць пагрозу. Першы небяспечны момант!

Петравіч атрымлівае жоўтую картку за грубы фол на левым фланзе

Парушае правілы Раман Бегуноў на правым фланзе. Штрафны Дзмітрыя Лебедзева спакойна забраў Гарбуноў

Гульня пераважна праходзіць у цэнтры поля. Дынама спрабуе камбінаваць, а Гарадзея з большага гуляе праз закіды левым флангам. Але пакуль ніхто прывесці да лагічнага завяршэння не можа

Перахапіў на сваёй палове поля мяч Яхая і адпасаваў на Нікаліча. Той бег у перспектыўную атаку і на подступах да штрафной, паводле арбітра, серб парушае правілы

Наёк падаваў штрафны з левага боку метраў з 35. Роўна па цэнтры і Раманюк без праблем забраў мяч у рукі

З левага боку, метраў з 35 Дынама атрымала права на штрафны. Наёк прабіў роўна ў рукі Раманюку

Гульня распачалася! Разводзяць гульцы Дынама

Лепшымі гульцамі ў складзе «Гарадзеі" вызначаны Іван Петравіч, у «Дынама» — Максім Швяцоў. Дзякуй, што сачылі за нашай трасляцыяй, пабачымся на беларускімі футболе. Да сустрэчы!

Лепшымі гульцамі ў складзе «Гарадзеі" прызнаны Іван Петравіч, у «Дынама» — Максім Швяцоў. Дзякуй, што сачылі за трансляцыяй, з Вамі быў Аляксандр Лісоўскі, пабачымся на беларускім футболе!

Каманды з'явіліся на поле, гучыць гімн. Гарадзея гуляе ў зялёнай форме, Дынама — у белай

Адзін з галоўных форвардаў Гарадзеі — Боян Дубайіч — не аднавіўся пасля траўмы. Арцём Кійко не згуляе паводле ўмоваў арэнднага паганднення паміж клубамі. Цікава, што Антон Сарока, які раней выступаў за Гарадзею, застаўся на лаўцы запасных сталічнага клуба

Судзяць гульню Віктар Шымусік, Аляксей Кавалёў і Аляксей Вайцяшонак. Усе яны з Асіповічаў

Галоўныя трэнеры каманд: Сяргей Яромка трэнеруе Гарадзею, а яго цёзка Гурэнка — Дынама Мінск

Дынама МІнск: Гарбуноў — Бегуноў, Галавіч, Швяцоў, Сачыўка, Астраўх — Яхая, Наёк, Нікаліч, Салавей — Макась

Стартавыя склады каманд.
Гарадзея: Раманюк — Пушнякоў, Шасцілоўскі, Паўлючак, Пазняк — Назаранка, Башылаў, Петравіч, Усеня, Лебедзеў — Ігнаценка

У мінулым сезоне ў першай гульне мацней былі футбалісты Гарадзеі — 1:0. На Трактары перамаглі гульцы сталічнага клуба з лікам 4:2

Усім прывітанне. Мяне зваць Аляксандр Лісоўскі і сёння буду распавядаць Вам пра самае цікавае, што адбудзецца ў гульне паміж Гарадзеяй і мінскім Дынама