Казлоўская заваявала срэбраны і бронзавы медаль у камандах на чэмпіянаце Польшчы
Карына Казлоўская здабыла срэбраны і бронзавы медаль у камандах на чэмпіянаце Польшчы.
Бронзу беларуская лучніца, якая зараз выступае за польскі клуб «Лучнік» заваявала ў мікст-пары разам з Конрадам Купчыкам. Срэбра Казлоўская здабыла ў камандзе з дзяўчатамі Аляксандра Відэр і Клаўдзіяй Плаза.
Таксама Казлоўская стала першай у кваліфікацыі жаночых спабоніцтваў, але ў выніку стала 9-й.
«Вынік добры, я ўзяла срэбра ў камандзе з дзяўчынкамі, але мы прайгралі золата ў перастрэлцы, калі ўсё залежыць ад адной удачы. Не сказаць, што тут досвед і дасягненні гралі ролю. Я за гэта вельмі не люблю перастрэлкі. Таксама мы ўзялі бронзу ў міксе, дзе страляюць хлопец з дзяўчынай.
Я задаволеная выступам. Вядома, думала, што ў індывідуальным я займу больш высокае месца, але як атрымалася, так атрымалася. Цяпер у мяне будзе перапынак даўжынёй у месяц, буду трэніравацца, паспрабую ўзяць тыдзень адпачынку, таму што за сезон стамілася, ён атрымаўся вельмі насычаным па спаборніцтвах і па медалях.
Па кваліфікацыі я была першай. У Польшчы, як і ў Беларусі, глядзяць на гэты вынік для адбораў, для складання нацыянальнай каманды.
Цяпер збіраюся пайсці ў залу, каб рыхтавацца да наступнага года. Дзякуючы трэнажорнай зале зніжаецца рызыка траўмаў, ператамлення. У наступным годзе чэмпіянат свету ліцэнзійны, на якім трэба будзе добра выступіць, каб паехаць на Алімпійскія гульні, потым будуць Еўрапейскія гульні, да іх таксама буду рыхтавацца», – прыводзіць словы Казлоўскай Беларускі фонд спартовай салідарнасці.
