Фота дня: Івулін вярнуўся ў футбол у асаблівай БЧБ-форме
Гэта гісторыя пра падтрымку праз тысячы кіламетраў.
Журналіст Tribuna.сom і заснавальнік праекту «ЧестнОК» Аляксандр Івулін выклаў у сваім Instagram першую футбольную фатаграфію пасля вызвалення.
На сваім першым вялікім стрыме пасля незаконнага зняволення Саша расказаў аб планах пагуляць у футбол у бліжэйшы час (тайм-код 1:01:40) і аб сваёй фізічнай форме (тайм-код 1:30:30).
Адметная фатаграфія Івуліна яшчэ і тым, што на ёй заснавальнік «ЧестнОКа» апрануты ў форму бел-чырвона-белага колеру. Гэтая форма была распрацавана ў Шатландыі да турніру, які называўся Кубак Аляксандра Івуліна і праходзіў там жа, у падтрымку Сашы, пакуль той знаходзіўся ў зняволенні. Вось, дарэчы, і відэа з таго турніру:
Пераможцам Кубку тады стала каманда ў бел-чырвона-белай форме.
І яшчэ адзін цікавы момант - на форме намаляваны герб федэрацыі футбола Беларусі пачатку 1990-х.
