Літара «А»
Першая літара беларускага хакейнага алфавіту.
Алег Уладзіміравіч Антоненка - удзельнік трох Алімпіяд: у Нагана, Солт-Лэйк-Сіці і Ванкуверы; чэмпіянатаў свету 1994 у групе С ,1997 у групе B, 1998, 1999, 2001 , 2002 у першым дывізіёне, 2004 у першым дывізіёне, 2006, 2007 ,2008 і 2009 гадоў у складзе зборнай Беларусі.
За нацыянальную зборную Беларусі выступае з 1993 года. Па стане на 10 лютага 2010 г правёў 145 матчаў, набраў 101 (51 + 50) бамбардзірскі бал ,атрымаў 105 хвілін штрафу.
20 красавіка 2011 абвясціў аб завяршэнні кар'еры.
Аляксандр Леанідавіч Андрыеўскі - Удзельнік Алімпійскіх гульняў у Нагана і Солт-Лэйк-Сіці, чэмпіянатаў свету 1995 у групе С, 1996 у групе В, 1997 у групе B, 1998, 1999, 2000 і 2001 гадоў у складзе зборнай Беларусі.
За нацыянальную зборную Беларусі выступаў з 1994 па 2003 Правёў 81 матч ,набраў 63 (25+38) бамбардзірскіх бала, атрымаў 74 хвіліны штрафу. Доўгі час быў капітанам нацыянальнай каманды. У цяперашні час з'яўляецца трэнерам.