З першых рук: «Цмокі» на Еўрабаскеце
Баскетбольны чэмпіянат Еўропы падыходзіць да свайго завяршэння, і «Цмокі», вядома, не маглі застацца ў баку. Маленькія і дарослыя баскетбалісты нашага клуба перажывалі за сваіх улюбёнцаў дома, ля экранаў камп’ютэраў, а некаторым шчаслісліўцам давялося асабіста прысутнічаць на некаторых матчах групавога раўнда.
Баскетбольны чэмпіянат Еўропы паступова падыходзіць да свайго завяршэння, і "Цмокі", вядома, не маглі застацца ў баку. Маленькія і дарослыя баскетбалісты нашага клуба перажывалі за сваіх улюбёнцаў дома, ля экранаў камп'ютэраў, а некаторым шчаслісліўцам давялося асабіста прысутнічаць на некаторых матчах групавога раўнда.
Выхаванец СДзЮШАР БК "Мінск-2006" Мацвей Літоўка правёў два дні на берлінскай "Мерсэдэс-Бенц" арэне і падзяліўся свамі ўражаннямі з прэс-службай нашага клуба.
- Я бачыў чатыры гульні чэмпіянату: Ісландыя - Італія, Турцыя - Іспанія, Сербія - Ісландыя, Іспанія - Італія.
Вельмі ўразілі фаны з Ісландыі, якія, нягледзячы ні на што, выдатна падтрымлівалі сваю каманду з першай да апошняй хвіліны.
Таксама я быў сведкай казачнай гульні Марка Белінэлі, які ў супрацьстаянні з іспанцамі няспынна бамбаваў кош супернікаў далёкімі кідкамі.
На жаль, у мяне не атрымалася ўзяць аўтограф, але, сыходзячы з пляцоўкі, мне "далі пяць", уласна, Марка Белінэлі, а таксама Серхіо Радрыгес і По Газоль.
Застаецца спадзявацца, што зборная Беларусі таксама ў хуткім часе парадуе нас выступленнямі на самым высокім узроўні.