Стылёвыя бясплатныя праграмкі Тарпеда Мінск
Падчас матчу 4 тура на стадыёне «Тарпеда» распаўсюджваліся бясплатныя стылёвыя праграмкі Чорна-Белых. Наклад яшчэ невялікі, але клуб плануе пашыраць добрую ініцыятыву.
Праграмкі да матчу 4 тура.
У мінулую суботу, падчас матчу 4 тура з ФК "Асіповічы" сярод заўзятараў Чорна-Белых распаўсюджваліся традыцыйныя тарпедаўскія футбольныя праграмкі.
Яны былі падрыхтаваны адмыслова да першай хатняй гульні аўтазаводцаў і выкананы, як і святочнае лога 70-годдзя клуба, у старым вінтажным стылі.
На першай старонцы, як і на афішах да матчу, быў змешчаны фотаздымак капітана Тарпеда, № 5 Арцёма Сокала.
Праграмкі распаўсюджваліся сярод заўзятараў бясплатна.
ПФК Тарпеда Мінск шчыра дзякуе кампаніі “Зварныя рашэнні” за падтрымку ў іх друку.
Наклад праграмак да матчаў Тарпеда яшчэ зусім невялікі, але мы плануем з цягам часу пашыраць добрую ініцыятыву, якая спадабалася нашым заўзятарам. Усе праграмкі былі распаўсюджаны вельмі хутка.