Тарпеда Мінск на бэйджах для СМІ змясціла імя свайго заўзятара

Адна невялікая гісторыя памяці добрага чалавека.

1 мая 2018, 18:28
3

Тарпеда Мінск на бэйджах для журналістаў змясціла імя свайго заўзятара.

Адна невялікая гісторыя памяці добрага чалавека.

Акрэдытацыя журналістаў – звычайная працэдура для клубаў Вышэйшай лігі. Прадстаўнікі СМІ традыцыйна атрымоўваюць бэйджы, якія гарантуюць вольны ўваход на хатнія матчы каманды.

Вось так напрыклад з вялікім звычайным надпісам Press яны выглядаюць у мінскім Тарпеда:

На адваротным жа баку змешчаны надпіс: “Кожны матч мы прысвячаем нашым заўзятарам”.

На ўсе бэйджы для прадстаўнікоў СМІ было дадаткова нанесена імя Юрыя Шырокага, вядомага беларускага журналіста, намесніка дырэктара інфармацыйнай кампаніі БелаПАН і вернага заўзятара мінскага Тарпеда.

Роўна 10 год таму сэрца Юрыя Шырокага спыніла біцца. Штогод сярод беларускіх журналістаў праводзіцца міні-футбольны турнір яго памяці.

Нават калі наш клуб пазбавіўся прафесійнага статуса, Юрый Шырокі заставаўся верным камандзе і ў кожным матэрыяле пазначаў, што з’яўляецца прыхільнікам Чорна-Белых.

Яго імя заўжды застанецца ў ліку ганаровых заўзятараў Тарпеда Мінск.

Другие посты блога

3 июня 2020, 22:13