Блог Беларускія віцязі

Трэцяе дэрбі. Прэв'ю да гульні супраць СКА

Пра гісторыю клуба і змены ў складзе армейцаў у міжсезонні мы распавядалі ў папярэднім прэв'ю.

У чэмпіянаце клубы правялі паміж сабой дзве сустрэчы . Абодва разы мацнейшым быў СКА:

СКА (Мінск) - Віцязь (Мінск) 34 - 16 

СКА (Мінск): Мароз, Чэрнікаў, Міскевіч; Вайлупаў (7), Кулеш (6), Данцоў (5), Рудзь (4), Ушал (3), Крывенка (2), Сотнік (2), Броўка (1), Лявухін (1), Сончык (1), Падшывалаў (1), Алёхін (1), Рабушка. 

Віцязь (Мінск): Грыбаў, Котаў, Ланін; Лях (3), І.Юркевіч (3), Красуцкі (3), Васілевіч (2), Бабкевіч (2), Ваявода (2), Бабічаў (1), Мандрык, В.Юркевіч, Жолудзеў, Кавальчук, Казлоў, Дударонак.

Віцязь (Мінск) - СКА (Мінск) 24 - 34 

Віцязь (Мінск): Ланін, Грыбаў; І.Юркевіч (6), Жолудзеў (4), Лях (3), Мандрык (2), Бабічаў (2), Кавальчук (2), Дударонак (2), В.Юркевіч (1), Ваявода (1), Казлоў (1), Васілевіч, Кухарэнка, Бабкевіч. 

СКА (Мінск): Мароз, Чэрнікаў; Вайлупаў (11), Данцоў (5), Броўка (3), Сотнік (3), Ушал (2), Бохан (2), Рудзь (2), Рабушка (2), Крывенка (1), Сончык (1), Гірык (1), Алёхін (1), Жыла, Падшывалаў.

З моманту апошняй сустрэчы СКА правёў ажно дзевяць сустрэч. Каманда гуляе на тры фронты. У чэмпіянаце Беларусі ачкі армейцы гублялі толькі адзін раз, астатнія матчы завяршыліся перамогамі. Што датычыцца апошніх гульняў, то здабыты перамогі над "Гомелем" (30-28), "Кронанам" (37-28) і двойчы над "Машэкам" (38-32, 41-21). СКА упэўнена ўзначальвае турнірную табліцу і ў выпадку перамогі над "Віцязем" на паўзу пойдзе лідарам чэмпіяната.

Таксама клуб вырашыў адну з сваіх галоўных задач у еўракубках. Па суме двух сустрэч СКА аказаўся мацнейшым за іспанскі "Лагроньё" (36-28, 30-35) і кваліфікаваўся ў групавы этап, дзе ягонымі супернікамі стануць нямецкі "Магдэбург", дацкі "Бьёрынгбро-Сількеборг" і славацкі "Татран".

Адзіным турнірам, дзе пакуль СКА не мае дастаткова добрых вынікаў з'яўляецца Балтыйская ліга, пасля нічыёй з "Пыльвай" (33-33) і паразы ад ЗТР (29-31) клуб займае толькі трэцяе месца ў группе. Але трэба адзначыць, што склад на гульню з эстонскім клубам быў эксперыментальным.

У чэмпіянаце Беларусі Ігар Папруга ў апошні час даваў адпачычыць сваім лідарам. Гэта дало шанец правесці свой першы матч у сезоне Дзмітрыю Хмялькову і ўпершыню пасля траўмы выйсці на паркет Аляксею Хадкевічу. Такім чынам, колькасць выкарастаных у чэмпіянаце гульцоў узрасла да 21:

Нагадаем рэзультаты ў матчах чэмпіяната: 

Перадматчавы каментар

Галоўны трэнер "Віцязя" Аляксандр Жыркевіч расказаў пра падрыхтоўку да гульні супраць СКА: - Працягваем працаваць над павышеннем тэмпу ў атацы, зробім на гэта асноўны акцэнт. Вывучылі гульню СКА ў абароне, паспрабуем ствараць як мага больш сітуацый, у якіх яны могуць памыляцца. Вынікі апошніх матчаў чэмпіяната паказваюць, што жаданне перамогі можа быць важнейшым за ўзровень каманды. Мы разумеем, што супернік мацнейшы за нас, але не збіраемся здавацца, будзем змагацца, вельмі жадаем згуляць як мага лепш. Гэты матч важны для набору кандыцый перад гульнёй супраць "Кронана", у якой мы не маем аніякага права згуляць дрэнна.

Кароткія звесткі

Месца ў чэмпіянаце Беларусі 2016/17: 2.

Перамогі ў чэмпіянаце Беларусі: 10 (1993, 1994, 1995, 1996, 1997, 1998, 1999, 2000, 2001, 2002).

Прыйшлі ў каманду: Аляксей Ушал (Гомель), Уладзіслаў Данцоў (Матор, Украіна, арэнда), Артур Рудзь, Аляксандр Сотнік, Арцём Рабушка, Уладзіслаў Крывенка, Ягор Зелянко (усе - СКА-РДВАР)

Сышлі з каманды: Вадзім Гайдучэнка (Дынама Бухарэст, Румынія), Артур Карвацкі (Балатонфюрэд, Венгрыя), Аляксей Шынкель (Матор, Украіна), Дзяніс Крыцкі (Каліш, Польшча), Александр Пацыкайлік.

Трэнер: Ігар Папруга.

Автор

Комментарии

  • По дате
  • Лучшие
  • Актуальные
  • Друзья