«Зноў без якаснага выніку». Што думаюць пра беларускую маладзёжку, якая зараз гуляе на ЧЕ
Беларуская маладёжка гуляе зараз на чэмпіянаце Еўропы ў дывізіёне В. Дзяўчаты трэці год запар спрабуюць прабіцца ў эліту.
Беларуская маладёжка гуляе зараз на чэмпіянаце Еўропы ў дывізіёне В. Дзяўчаты трэці год запар спрабуюць прабіцца ў эліту.
Так, наша моладзевая зборная намагаецца прабіцца ў элітны дывізіён. Вы, канешне, на сто адсоткаў пра гэта не ведаеце, таму што футбол, Дамагой Віда славіць Украіну, а кіраўнік нашай краіны спявае на Купаллі. Столькі навін, што можна і прапусціць галоўную падзею беларускага баскетбола на пачатку ліпеня. Вось вам крыху інфармацыі:
— 7-15 ліпеня ў Румыніі праходзіць чэмпіянат Еўропы па баскетболу ў дывізіёне В. 12 краін змагаюцца за шанец перайсці ў эліту. 4 краіны, якія занялі першае і другое месца ў сваіх групах, выходзяць у паўфінал. Толькі тры каманды выйдуць у дывізіён А.
— беларускі прайгралі першы матч Чэхіі, але потым перамаглі Балгарыю і Турэччыну. 11 і 12 ліпеня пройдуць гульні з камандамі Даніі і Ісландыі.
— на дадзены момант наша зборная займае другое месца ў сваёй групе, якое пакуль гарантуе выхад у паўфінал.
* * *
Аднак не для ўсіх вынікі моладзевай зборнай з'яўляюцца станоўчымі. Мне напісаў адзін з чытачоў майго блогу, які зусім неабыякавы да жаночага баскетболу Беларусі. І над яго словамі трэба задумацца:
«Ура, беларускі перамаглі балгарак. Толькі перамога анічога не дасць у будучым. І турнір, на маю думку, будзе зноў без якаснага выніку – падрыхоўкі кандыдатаў у дарослую каманду.
Галоўная праблема дзяўчат нашых зборных па баскетболу (пра пацаноў, якіх наогул не рыхтуюць, і так пісаць няма пра што) – адсунасць тэхнікі кідка. Адзін з шасці штрафных, больш менш стабільнае трапленне з сярэдней адлегласці толькі ў 2-3 чалавек, нават з пад кальца ў вольнай пазіцыі ганебныя для зборнікаў памылкі.
Я разумею, што не гэтым павінен займацца трэнер зборнай Беларусі. Аднак якога блазна браць у нацыянальную каманду дзяўчыну, якая рэгрэсіруе (я пра Гарбачову). Не хочуць трэніраваць самастойна тэхніку? Кавалеры ў галавах? Дайце шанец іншым, з малодшых камандаў бярыце. Так, Наталля можа абразіцца і наогул кінуць спорт. Ну дык хай гэта зробіць раней, чым пазней. А на яе пазіцыі паспрабуе сябе рэалізаваць больш старанная, якая сапраўды любіць гэту гульню, а не мальчыаўі, рэстаранчыкі, сацыяльныя сетачкі (ну як там сёння дэградзіруюць?).
Хаця для мяне быў бы лепшы вынік, калі б Гарбачова абразілася і пачала пахаць, спрабуючы вярнуць сабе страчаныя пазіцыі ў камандзе. І стаць тым, кім можа. А не атрымаўшы мяч, рабіць першы тупы крок у нікуды з ударам у пол, а пасля пачынаць круціцца з думкай, як пазбавіцца ад мяча. І гэта тая Гарбачова, якую ў мінулым годзе я прапаноўваў паспрабаваць у нацыянальнай дарослай камандзе!!!
Вялікія пытанні да трэнерскага штабу. Некаторыя ігракі ўжо не першы год разам, а дзе іх узаемадзеянні? Адсутнічаюць нават простыя камбінацыі, усе атакі заснаваны на індывідуальных дзеяннях пасля перакіду мяча з рук у рукі. Нават простай напрыжкі-прахода пад кальцо і скід на перыметр (не абы куды, а ў рукі партнёршы) я не заўважыў. 3-ачковыя кідкі здзяйсняюцца з непадрыхтаваных пазіцый, калі нават на кальцо дзяўчына магла яшчэ не глянуць. У балгарак жа ўсё па даросламу, камбінацыі трох дзяўчат сцягваюць нашу абарону і ў крайнім выпадку мяч находзіць вольную баскетбалістку на перыметры (у якой дастаткова часу зрабіць якасны кідок, а не бесталковае пулянне).
І перастаньце задушваць Масько. Дайце ей боль адпачынку, шукайце іншых…
Хаця разумею, што пляваць на будучае, вынік патрэбны сёння…
Шанец адрадзіць беларускі жаночы баскетбол канчакова губляецца».
* * *
Больше информации про чемпионат Европы и женский баскетбол:
PHOTO CREDITS: FIBA/U20 Women's European Championship Division B