Міжнародная федэрацыя санкавага спорту працягнула адхіленне расіян

Міжнародная федэрацыя санкавага спорту (FIL) працягнула адхіленне расійскіх спартсменаў.

«Кангрэс FIL 17 чэрвеня 2023 г. пацвердзіў рашэнне Выканаўчага савета FIL па санкцыях у дачыненні да Расіі.

Улічваючы захопніцкую вайну, якая ўсё яшчэ вядзецца РФ супраць Украіны, прадпісваецца прыпыніць усе правы ўдзелу спартсменаў, трэнераў, інструктараў і іншых афіцыйных асоб Федэрацыі санкавага спорту Расіі ў санкцыянаваных спаборніцтвах FIL да далейшага паведамлення з мэтай забяспечыць бяспечныя, мірныя і сумленныя спартыўныя спаборніцтвы.

Прысутнасць расійскіх спартсменаў, трэнераў і іншых афіцыйных асоб Федэрацыі санкавага спорту Расіі падчас правядзення санкцыянаваных FIL спартыўных спаборніцтваў нясе ў сабе высокую рызыку бяспекі, міралюбнасці і цэласнасці гэтых спаборніцтваў і іх удзельнікаў (уключаючы і расіян) і знаходзіцца пад сур'ёзнай пагрозай.

Гэтая рызыка грунтуецца на прычынна-следчым непасрэдным удзеле названых асоб у спаборніцтвах FIL і не можа быць заменена менш радыкальным мерапрыемствам, таму прыпыненне ўдзелу прапарцыйнае, пакуль прычынай гэтага з'яўляюцца ваенныя дзеянні ва Украіне – адхіленне будзе працягнута », – гаворыцца ў заяве.

22 дэлегаты кангрэса прагаласавалі за працяг адхілення расіян, 1 выказаўся супраць, 5 – устрымаліся.