Вярхоўная Рада Украіны прапануе ужыць санкцыі да 36 прадстаўнікоў спартыўных арганізацый Беларусі і Расіі

Вярхоўная Рада Украіны просіць Савет нацыянальнай бяспекі і абароны прымяніць на 10 гадоў персанальныя спецыяльныя эканамічныя санкцыі да прадстаўнікоў спартыўных арганізацый Рэспублікі Беларусь і Расійскай Федэрацыі.

Усяго за праект пастановы № 9408 прагаласавала 270 дэпутатаў пры мінімальна неабходных 226.

У прыватнасці, яны хочуць прымяніць санкцыі да:

• Аркадзя Дварковіча, прэзідэнта Міжнароднай шахматнай федэрацыі;
• Уладзіміра Базанава, экс-кіраўніка Беларускай федэрацыі футбола;
• Максіма Агапітава, прэзідэнту Федэрацыі цяжкай атлетыкі Расійскай Федэрацыі;
• кіраўніка федэрацыі хакея Рэспублікі Беларусь Аляксандра Багдановіча;
• Станіслава Пазнякова, прэзідэнта Алімпійскага камітэта Расіі;
• Аляксандра Бараулю, намесніка Міністра спорту і турызму Рэспублікі Беларусь;
• Прэзідэнта Паралімпійскага камітэта Расіі Паўла Ражкова.

Прапануецца прымяніць санкцыі на 10 гадоў.

Сярод абмежавальных мер у дачыненні да ўпаўнаважаных асоб:

• блакіроўка актываў – часовае абмежаванне права асобы карыстацца і распараджацца прыналежнай яму маёмасцю;
• абмежаванні гандлёвых аперацый;
• абмежаванні, частковае або поўнае прыпыненне транзіту рэсурсаў, палётаў і перавозак праз тэрыторыю Украіны;
• прадухіленне вываду капіталу за межы Украіны;
• прыпыненне эканамічных і фінансавых абавязацельстваў;
• ануляванне або прыпыненне дзеяння ліцэнзій і іншых дазволаў, атрыманне (наяўнасць) якіх з’яўляецца ўмовай ажыццяўлення пэўнага віду дзейнасці.