Звальнення Скрыпчанкі дамагаецца Юрэвіч, які праз Кавальчука хоча націснуць на кіраўніцтва мiнскага «Дынама»
Tribuna.com сталі вядомыя дэталі магчымай адстаўкі Вадзіма Скрыпчанкі з пасады галоўнага трэнера мiнскага «Дынама».
Як сцвярджаюць крыніцы, свой уплыў аказвае Анатоль Юрэвіч, які па-ранейшаму знаходзіцца пры так званым міністры спорту Сяргеі Кавальчуку.
66-гадовы трэнер, дыскваліфікаваны за махінацыі ў ЧБ, падштурхоўвае Кавальчука да таго, каб той праціснуў праз клубнае кіраўніцтва звальненне трэнера.
Як кажуць крыніцы «Трыбуны», Юрэвіч «з нейкіх прычынаў мае зуб на Скрыпчанку, ды і проста хацеў бы вызваліць месца для трэнера, якога ведае лепш і якім можна было б кіраваць у выпадку чаго».
І нездарма ў гэтым кантэксце ўзнікла прозвішча Аляксандра Сяднёва, які з'яўляецца адным з вучняў Юрэвіча.
Пасля трох тураў ЧБ «Дынама» займае 5-е месца. У актыве 5 балаў. Пры Скрыпчанку каманда выйграла чэмпіянат Беларусі-2023.
Пакуль Сяднёў працягвае ўзначальваць «Ардабасы».
У мінулым сезоне Сяднёў упершыню прывёў «Ардабасы» да перамогі ў чэмпіянаце Казахстана.
У сезонах-2011-2012 спецыяліст ужо ўзначальваў мінчан.
