Трэнер «Мінска» Сухавецкі: «Дзесьці нам не хапала даводзіць мяч да гульцоў, якія маглі забіць у той ці іншы момант гульні»
В.а. галоўнага трэнера «Мінска» Аляксей Сухавецкі даў каментар пасля чарговай паразы клуба ў Лізе ВТБ, на гэты раз ад «Пармы» (59:88).
«Парму» віншую з выхадам у першую шасцёрку. У нашай першай гульні мы зусім прайгралі падбор, і на сходзе першае, што мы абмяркоўвалі – аддацца цалкам гульні, не прайграваць адзінаборствы, пастарацца, каб нас не знеслі з поля за кошт падбораў у нападзе.
Па выніках гульні, як хлопцы аддаваліся ёй – я задаволены, дзякуй ім за гэта. На жаль, недзе нам не хапала даводзіць мяч да гульцоў, якія маглі забіць у той ці іншы момант гульні. І калі на пачатку мы вялі, то не маглі нарасціць сваю перавагу. Потым мы не маглі за кошт гэтых дзеянняў скараціць разрыў у ліку. Хтосьці называе гэта «клас гульца», мы імкнемся працаваць над гэтым. Пакуль атрымліваецца як ёсць», – сказаў Сухавецкі.
