Мінскае «Дынама» правяло незвычайны майстар-клас прама ў гандлёвым цэнтры. Без лёду, але з клюшкай і канькамі
Клуб ва ўсю рыхтуецца да плэй-оф.
13 лютага мінскае «Дынама» перамагло ў гасцях падмаскоўны «Віцязь» – 3:2. Вікторыя забяспечыла «зубрам» месца ў васьмёрцы наймацнейшых у Заходняй канферэнцыі КХЛ за пяць матчаў да канца рэгулярнага чэмпіянату.
Пасля важнай перамогі ў «Балашыхе» мінчане атрымалі 2 перамогі над «Куньлунем» і «Нафтахімікам» і саступілі маскоўскаму «Дынама» і СКА. Апошняя параза атрымалася балючай – ад піцерцаў мінчане прапусцілі 5 шайб, а забілі толькі 1. Яшчэ і галоўны трэнер саперніка вызначыўся дзіўным спічам.
Да канца рэгуляркі «Дынама» засталося правесці выязны матч з маскоўскім «Спартаком», які адбудзецца 26 лютага. А пакуль спартоўцы рыхтуюцца, маркетынгавы аддзел клуба ўжо займаецца прасоўваннем будучага плэй-оф.
24 лютага ў адным з гандлёвых цэнтраў Мінска быў арганізаваны майстар-клас па маляванні – свае сілы ў малюнку хакеіста на палатне мог паспрабаваць любы ахвочы.
Такая актыўнасць выклікала цікавасць не толькі ў жаночай часткі гасцей ГЦ, але і ў мужчын. У якасці мадэлі выступіў 21-гадовы брамнік «Дынама» Ягор Вельмакін.
Магчыма, руку да гэтага прамоўшана прыклала і «ўдарніца» «БРСМ» Віктарыя Любамірава, пра якую мы расказвалі крыху раней.
«Дынама» яшчэ не ведае свайго суперніка па плэй-оф – за першае месца змагаюцца СКА і маскоўскае «Дынама». Прама зараз СКА саступае масквічам адзін бал (95 ачкоў супраць 96),
Заключную гульню сезона армейцы правядуць дома супраць нематываванага «Куньлуня», але нават перамога не гарантуе камандзе выніковае лідэрства. Падапечным Рамана Ратэнберга трэба спадзявацца на асечку «Дынама» ў матчы з ЦСКА. Толькі ў гэтым выпадку СКА застанецца на першым радку і ўжо чацвёрты год запар пачне плей-оф у матчы супраць мінчан.
Адзначым, што беларуская каманда ні разу ў сваёй гісторыі не праходзіла далей за стадыю 1/8.
