Экс-прэзідэнт «Ювентуса» Джыліі: «Інвестыцыі ў Раналду аказаліся занадта дарагімі»

Былы прэзідэнт «Ювентуса» Джавані Кобалі Джыліі, які ўзначальваў клуб з 2006 па 2009 год, падзяліўся думкамі адносна сітуацыі з кіраўніцтвам «б'янканеры».

«Суддзі дадуць ацэнку дзейнасці кіраўнікоў, і пакуль віна недаказаная, прэзумпцыя невінаватасці дзейнічае на ўсіх. Зрэшты, «Ювэ» заблытаўся ў шэрагу сітуацый, праблемы пачаліся яшчэ даўно.

Як бачыце, калі Андрэа Аньелі стаў прэзідэнтам – гэта было пазітыўнай падзеяй, але і рызыкоўным крокам, улічваючы адказнасць, якая ляжыць на яго прозвішчы.

Першая фаза кіраўніцтва Аньелі была ўдалай, дзякуючы фундаментальнай дапамозе Бепе Маротты каманда ўваскрэсла і выйграла дзевяць чэмпіёнстваў Італіі запар, але ўсё змянілася пасля прыходу Раналду.

Аньелі хацеў падпісаць Крыштыяну, таму што гэта прынесла б вялікі прыбытак ад маркетынгу і наблізіла б «Ювентус» да перамогі ў Лізе чэмпіёнаў. Але Маротта не пагадзіўся з гэтым і пакінуў клуб.

У выніку, аказалася, што інвестыцыі ў Раналду былі занадта дарогі. Разам з тым, Фабіа Парацічы, які настойваў на падпісанні Крыштыяну, уцягнуў «Юве» у новыя інвестыцыі, якія перагрузілі баланс і паставілі клуб у складанае становішча.

Не выпадковасць, што «Ювентус» прыйшлося прыцягнуць 700 мільёнаў еўра свежага капіталу. Між тым, здаралася яшчэ больш памылак, такіх як запрашэнне Маўрыцыа Сары, тэст на італьянскае грамадзянства Луіса Суарэса або праект Суперлігі.

Светагляд Аньелі моцна змяніўся. У яго заўсёды было завышанае бачанне будучыні «Юве» – напрыклад, Суперліга. Таксама ён занадта шмат браў на сябе і грэбаваў інфармаваннем рады дырэктараў. Такога нельга рабіць з клубам, які размешчаны на біржы», – сказаў Джыліі.

28 лістапада стала вядома, што ўся рада дырэктараў «Ювентуса» сышла ў адстаўку. Ранейшае кіраўніцтва клуба абвінавачваецца ў адмыванні сродкаў. Новым прэзідэнтам «Ювентуса» стане Джанлука Ферэра, таксама ёсць інфармацыя, што «бʼянканеры» паспрабуюць вярнуць Бепе Маротту на пасаду генеральнага дырэктара.

⚽️ Чэмпіянат свету-2022 па-беларуску і без VPN! Пампуй дадатак Tribuna.com