Міністр спорту Кавальчук пра Кандраццева: «Дасведчаны трэнер, адзін з топавых гульцоў у нашай гісторыі»

Міністр спорту Беларусі Сяргей Кавальчук падтрымаў рашэнне АБФФ падоўжыць кантракт галоўнага трэнера зборнай Беларусі Георгія Кандрацьева.

«У няпростых умовах праходзіў адборачны цыкл у нашай зборнай. Калі вы бачылі, усе матчы праходзілі за мяжой. Мы бачылі ў матчах судзейства да нашай каманды.

Думаю, што кіраўнік нацыянальнай каманды — дастаткова дасведчаны спецыяліст. Мы памятаем, што ён адзіны, хто вывеў на топавы турнір нашу нацыянальную каманду. Гэта Алімпійскія гульні ў Лондане ў 2012 годзе.

Гэта адзін з топавых футбалістаў у гісторыі Беларусі. Я думаю, што ён неабыякавы, і федэрацыя футбола, бачыла гэта ўсё, прымала ўзважанае рашэнне і паказала яму давер. Гэта рашэнне федэрацыі футбола, мы гэта рашэнне падтрымліваем», — сказаў Кавальчук.

Выканкам АБФФ 28 лістапада падоўжыў кантракт Кандрацьева на пасадзе галоўнага трэнера зборнай.

У мінулай Лізе нацый нацыянальная каманда заняла апошняе месца ў квартэце са зборнымі Казахстана, Славакіі і Азербайджана. Бязвыйгрышная серыя каманды працягваецца ўжо на працягу 13 афіцыйных матчаў.

⚽️ Чэмпіянат свету-2022 па-беларуску і без VPN! Пампуй дадатак Tribuna.com