Андрэй Шаўчэнка: «Месі - сімвал Аргенціны і легенда. Ён заслугоўвае выйграць ЧС»
Былы галоўны трэнер зборнай Украіны Андрэй Шаўчэнка заявіў, што лічыць форварда зборнай Аргенціны Ліянэля Месі найлепшым футбалістам у гісторыі і пажадаў яму перамогі на ЧС-2022.
— Месі — сімвал Аргенціны. Легенда, адзін з лепшых гульцоў усіх часоў. Яго можна паставіць у адзін шэраг з Дыега Марадонай і Пеле. Такі гулец, як ён, заслугоўвае выйграць чэмпіянат свету.
Гэта будзе выдатная гісторыя. Не толькі таму, што ён зрабіў у сваёй карʼеры, але і таму, як ён гуляе зараз. Ён абсалютны лідар, праводзіць выдатныя матчы, забівае добрыя галы, аддае пасы на партнёраў. Ён сапраўдны лідар і капітан.
— Месі — лепшы футбаліст у гісторыі?
— Для мяне так. Пеле і Марадона гулялі ў іншы час. У Месі ёсць усё, — сказаў Шаўчэнка.
У фінале ЧС-2022 Аргенціна згуляе з Францыяй, матч пройдзе ў нядзелю 18 снежня ў 18.00 па беларускім часе.