«Рэал» прапануе Браіму Дыясу новы кантракт да 2027 года
«Рэал» хоча пакінуць паўабаронцу Браіма Дыяса ў складзе на наступны сезон, паведамляе Relevo.
У «Мілан», за які цяпер выступае Дыяс на правах арэнды, няма опцыі выкупу футбаліста, таму адзіным варыянтам застаюцца прамыя перамовы са»сметанковымі". Сам гулец марыць вярнуцца ў «Рэал».
Апошнія прапануюць 23-гадоваму іспанцу падоўжыць кантракт да 2027 года ў знак таго, што кіраўніцтва вельмі сур'ёзна да яго ставіцца.
Паводле інфармацыі італьянскага журналіста Марка Контэрыа, у «Мілана» ўсё ж ёсць опцыя выкупу гульца за 22 млн еўра, але клуб хоча выкупіць Дыяса па зніжанай цане. Арэндным пагадненнем таксама прадугледжана опцыя контрвыкупа «Рэалам» за 27 млн еўра.
За паўтара года паўабаронца забіў 16 галоў і аддаў 10 выніковых перадач у 105 матчах за дзеючага чэмпіёна Італіі.
