РПЛ: «Растоў» Сялявы ў гасцях саступіў «Сочы», «Ахмат» Чарняка разграміў «Дынама»
13-14 траўня праходзяць матчы каманд з беларускай прысутнасцю ў 27-м туры РПЛ.
«Урал» галоўнага трэнера Віктара Ганчарэнкі і Ягора Філіпенкі выйграў у «Арэнбурга» Міхаіла Сівакова, Юрыя Кавалёва, Кірыла Пячэніна і Кірыла Капленкi (2:1). Філіпенка, які аднаўляецца ад пашкоджання, не трапіў у заяўку. Пячэнін і Капленка выйшлі ў стартавым складзе, Сівакоў выйшаў на поле на 69-й хвіліне, Кавалёў не трапіў у заяўку. Пячэнін атрымаў жоўтую на 81-й хвіліне. Капленка на 89-й хвіліне забіў у свае вароты, што забяспечыла перамогу «Урала».
«Тарпеда» Рамана Юзапчука моцна саступіла ў гасцях у ЦСКА (3:0) і вылецела з РПЛ.
«Ахмат» Іллі Чарняка разграміў «Дынама» (3:0) Беларус увесь матч правёў на лаўцы запасных.
«Растоў» Аляксандра Сялявы у гасцях саступіў «Сочы» (0:2). Беларус з'явіўся на полі на 78-й хвіліне.
Чэмпіянат Расіі
27-ы тур
13-14 траўня