Качура пра «Дынама» ў еўракубках: «Не ў крыўду Скрыпчанку будзе сказана, але не хапіла трэнерскай рукі»

«З такім складам клубу трэба было больш паказваць на еўраарэне. Каманда сёлета сабрала найлепшых футбалістаў па ўсёй Беларусі. Прычым на два саставы. Плюс, дапамога ад дзяржавы, выдатная інфраструктура. Пачалі, нарэшце, гуляць у атакуючы футбол, які традыцыйна Блізкі «Дынама». Да гэтага, што рабілі Гурэнка і Чалядзінскі? Гулялі па схеме 5-4-1. Паркавалі аўтобус. Тут, не ў крыўду Скрыпчанку будзе сказана, але не хапіла трэнерскай рукі.

Спадзяюся, у чэмпіянаце згуляюць лепш. Без асечак, якія пачаліся бліжэй да сярэдзіны. Як казаў Алекс Фергюсан, у апошняй трэці чэмпіянату вырашаецца вельмі шмат. Дай Бог, каб каманда справілася. Яшчэ раз кажу: «Дынама» мой родны клуб, я заўсёды буду жадаць яму поспеху», – сказаў Качура.