Былы абаронца «Хайдука» Белы: «Трэнер не дазваляў ісці ў падкат на трэніроўках, але Мілеўскі ўсё роўна слаўся»
Былы абаронца «Хайдука» Максім Белы распавёў пра Арцёма Мілеўскага, які таксама гуляў у харвацкім клубе.
– У «Хайдуку» на момант вашага пераходу быў Арцём Мілеўскі. Аднак з ім скасавалі кантракт праз месяц. Якое ўражанне ён зрабіў на вас за гэты кароткі перыяд часу?
– З Арцёмам Уладзіміравічам мы адразу знайшлі агульную мову. З намі быў яшчэ адзін украінец, Арцём Радчанка, і мы тут утрох з самага пачатку размаўлялі. Мілеўскі лепш быў знаёмы з горадам, з камандай, паказваў розныя месцы для адпачынку, пляжы, дзе паесці схадзіць.
Потым, калі да мяне прыехала сям'я, мы часта збіралася ў мяне дома і глядзелі Лігу чэмпіёнаў, «Дынама» і «Шахцёр».
– Мілеўскі не рэалізаваўся і на палову свайго таленту, а ў «Хайдуку» правёў досыць кароткі перыяд. Чаму?
– Тады прыйшоў новы трэнер, які яго не бачыў у складзе. Арцём вельмі моцна стараўся, здзіўляў яго прафесіяналізм. Памятаю, як ён выкладваўся на трэніроўках. У нас былі такія моманты, што трэнер не дазваляў ісці ў падкат на трэніроўках, але Арцём усё роўна слаўся.
Адчувалася, што ён вельмі хацеў даказаць трэнеру, што ён дапаможа гэтаму клубу, але так здарылася, што яго не бачылі ў камандзе, таму ён з часам перайшоў у «Спліт».
На жаль, мы не паспелі з ім згуляць, былі толькі на выездах у адным пакоі, аднак ён не выходзіў нават на замену, – сказаў Белы.