Жазэ Маўрынью: «Рома» не можа прыйсці ў іншы клуб і купіць гульца, які правёў цудоўны сезон»

Галоўны трэнер «Ромы» Жазэ Маўрынью лічыць, што клуб не можа дазволіць сабе купляць гульцоў на піку.

«Летась мы падпісалі Дыбалу, таму што шмат хто сумняваўся ў ягоным фізічным стане.

Мы не можам прыйсці ў клуб і купіць гульца, які правёў цудоўны сезон. Мы павінны адаптавацца да рызык, якія маем. Людзі павінны гэта разумець.

Калі б у Саншэша не было столькі траўм, ён быў бы асноўным гульцом «ПСЖ» і не перайшоў бы ў «Рому».

Мы сталі экспертамі, якія працуюць з гульцамі з патэнцыялам, каб даць ім стабільнасць для вяртання на той узровень, які яны мелі. Гэта наша рэальнасць», – сказаў Маўрынью.