Уладзіслаў Клімовіч: «Алос вельмі жывы, можа хутчэй за цябе бегчы за мячом»

Паўабаронца зборнай Беларусі і падпісант за рэжым Уладзіслаў Клімовіч распавёў пра працу з Карласам Алосам.

– Алос і сапраўды строгі трэнер?

– Я не сказаў бы. У любым выпадку кожны настаўнік павінен быць патрабавальным – да сябе і гульцоў. Пры гэтым ён павінен быць і сябрам. Такі вось сімбіёз. Ніколі не дзяліў трэнераў па крытэрыю строгі/нястрогі. Пытацца з каманды ён будзе заўсёды, бо нясе адказнасць. Бо мы плывём у адной лодцы і павінны ўсё разам працаваць для дасягнення выніку.

– А адрозненне яго ад беларусаў у ментальным плане адчуваецца, экстрапалюецца на тое, як ён паводзіць сябе ў розных сітуацыях?

- Вядома, Алос больш экспрэсіўны і імпульсіўны. Падчас трэніровак ён увесь час у працэсе, перманентна падказвае, ці ледзь не сам гатовы ўзяць мяч, прабегчы і паказаць тое, як і што трэба рабіць. Увогуле, вельмі жывы. І на рабятах гэта адбіваецца дабратворна. Ха-ха! А як па-іншаму, калі ты бачыш, што трэнер можа хутчэй за цябе бегчы за мячом. Пры жаданні гэта можна ўбачыць, як на такіх вось адкрытых мерапрыемствах. Карлас імкнецца быць часткай каманды, яе звяном, перадае нам правільны настрой, – распавёў Клімовіч.