Падпісант за рэжым Клімовіч: «Калі ў зборнай Беларусі даможамся мэтаў, заўзятары ў нас, напэўна, стануць больш верыць»

Падпісант рэжымнага ліста Уладзіслаў Клімовіч расказаў, як вярнуць веру балельшчыкаў у зборную Беларусі па футболе.

– У камандзе ўсё па-новаму з прыходам Карласа Алоса?

– Заўсёды прыязджаеш дадому з добрым настроем, тым больш у зборную. Ніколі не адмаўляўся ад выступу за краіну. Так, штаб адмыслоўцаў, якія працуюць, абнавіўся, і гэта пацягне за сабой нейкія змены ў гульні, ды і ў побыце. Проста прайшло ўсяго тры-чатыры дні з пачатку збору, і казаць пра нешта канкрэтнае заўчасна. Мусіць, калі ён падыдзе да канца, можна будзе пагаварыць больш прадметна пра вынікі. Аднак у цэлым усё па-ранейшаму – задачы не мяняюцца. Ды і не могуць мяняцца.

Калі ты прыязджаеш, дык толькі дзеля таго, каб перамагаць. Вынік вышэй за ўсё. Гэта галоўная ацэнка таго часу, які мы правядзем бок аб бок тут. Тым пераменам, якія здарыліся ў камандзе. Не будзе выніку – людзі спытаюць, для чаго тады гэтыя змены былі патрэбныя. А калі даможамся мэт, то і заўзятары ў нас, мусіць, стануць больш верыць. Ды і мы самі станем больш упэўненымі. У гэтым годзе ёсць яшчэ шэсць матчаў, і ў іх трэба праявіць сябе максімальна паспяхова, – сказаў Клімовіч.