Гатуза неўзабаве можа ўзначаліць «Марсель»
Былы галоўны трэнер «Мілана» і «Напалі» Джэнара Гатуза неўзабаве можа ўзначаліць «Марсель», паведамляе Фабрыцыа Рамана.
45-гадовы італьянец ужо пагадзіўся на прапанову праванскага клуба і на працягу наступных 24 гадзін павінен вылецець у Францыю.
Крайнім месцам працы спецыяліста была «Валенсія», у якой ён прапрацаваў з чэрвеня 2022-га па студзень 2023-га.
Да гэтага, акрамя вышэйзгаданых каманд, трэніраваў «Сьён», «Палерма», ОФІ, «Пізу» і «Фіярэнціну». З «фіялак» Джэнара сышоў праз 3 месяцы пасля прызначэння.
Нагадаем, «Марсель» тыдзень таму пакінуў Марселіна Тораль з-за праблем з заўзятарамі. Яны нібыта пагражалі пачаць супраць іспанца і кіраўніцтва клуба «вайну», калі тыя не сыдуць у адстаўку.
Тораль сышоў 20 верасня, а Пабла Лангорыя, прэзідэнт «Марселя», праз некалькі дзён абвясціў, што вырашыў застацца ў камандзе пасля размовы з уладальнікам, хоць спачатку самаўхіліўся ад пасады.
